ކުޑަ ކުއްޖެއްގެ ހާޒިރުގައި ޖިންސީ އަމަލު ހިންގި ކަމަށް ތުހުމަތު ކުރެވޭ 64 އަހަރުގެ މީހަކު ހައްޔަރަށް

ކުޑަ ކުުއްޖެއްގެ ހާޒިރުގައި އެކި ދުވަސް މަތިން ޖިންސީ ޢަމަލު ހިންގި މައްސަލައެއްގައި މީހަކު ހައްޔަރު ކޮށްފިއެވެ.

Ads by Hajj Corporation

ފުލުހުންގެ މީޑިއާ އޮފިޝަލަކު ވިދާޅުވީ ނޯތު ސެންޓްރަލް ޑިވިޝަން (ކ./އއ./އދ./ވ) ގައި ހިމެނޭ ރަށެއްގައި ކުޑަ ކުއްޖެއްގެ ހާޒިރުގައި އެކި ދުވަސްމަތިން ޖިންސީ ޢަމަލެއް ހިންގި ކަމަށް ތުހުމަތު ކުރެވޭ މައްސަލައެއް 10 ޖެނުއަރީ 2021 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ. އަދި މިމައްސަލައިގައި ކޯޓް އަމުރެއްގެ ދަށުން އުމުރުން 64 އަހަރުގެ މީހަކު ހައްޔަރު ކޮށްފައިވާ ކަމަށް ފުލުހުން ބުނެއެވެ.

ރާއްޖޭގައި ކުޑަކުދިންނަށް ކުރާ ޖިންސީ އަނިޔާގެ އަދަދު ކަންބޮޑުވާ މިންވަރަކަށް ދަނީ އިތުރުވަމުންނެވެ. މިފަދަ މައްސަލަތަކުގައި ގިނަ ފަހަރު، ތުހުމަތު ކުރެވޭ މީހާ ކޮންމެެވެސް ސަބަބަކާ ހުރެ ދޫވާތީ، މިފަދަ މައްސަލަތައް މަދު ނުވާކަން ފާހަގަ ކޮށްލެވެއެވެ.