ފަންނާނުންގެ ރާގުތައް ވަގަށް ނަގައިގެން މަދަހަ ކިޔުން މާ ގޯސް: އިންތި
މިއުޒިކް ކުޅުމަށްވުރެ ފަންނާނުން ހަދާފައިވާ ލަވަތަކުގެ ރާގު ވަގަށް ނަގައިގެން، އެ ރާގަށް މަދަހަ ކިޔުން މާ ގޯސް ކަމުގައި ރައްޔިތުންގެ މަޖިލީހުގެ މާފަންނު އުތުރު ދާއިރާގެ އެމްޑީޕީގެ މެންބަރު އިމްތިޔާޒް ފަހުމީ (އިންތި) ވިދާޅުވެއްޖެއެވެ.
މާލޭގައި ޒުވާނުން ހިތްފަސޭހަ ކޮށްލައި މުނިއަވަސް ފިލުވައި ހާސްކަމެއް ނެތި މަޖާކޮށް މިއުޒިކު ކުޅެ މިއުޒިކު އަޑުއަހައި ނަށާލާނެ މަރުކަޒެއް ޤާއިމުކުރުމަށް ގޮވައިލާ ރައްޔިތުންގެ މަޖިލިހުގެ ހެންވޭރު ހުޅަނގު ދާއިރާ މެންބަރު ޙަސަން ލަޠީފު ހުށަހެޅުއްވި ޤަރާރަށް އިލްމުވެރިން ފާޑު ކިޔަމުން އަންނައިރު އެމްޑީޕީ މެންބަރުން އަންނަނީ މިއުޒިކް ހަރާމް ނޫން ކަމަށް ބުނެ، މި ގަރާރު ދިފާއު ކުރަމުންނެވެ.
އެގޮތުން މިއަދުގެ މަޖިލިސް ޖަލްސާގައި އިންތި ވިދާޅުވީ ދީނުގައި ބޮޑެތި ސުވާލުތައް އުފެދިފައި އޮންނަ މައްސަލަތަކުގައި ހަރުކަށިކަން އިސްކޮށް ވަރަށް ގިނަ އިލްމުވެރިން ވާހަކަ ދެއްކެވި ނަމަވެސް ދީނުގައި ކަނޑައެޅިގެން ހަރާމްކޮށްފައި ހުރި ކަންކަމުގެ ވާހަކަ ދައްކަނީ މަދު އިލްމުވެރިއެއް ކަމަށެވެ.
މީގެ އިތުރުން އިންތި ވިދާޅުވީ ދިވެހި ބައެއް ފަންނާނުން އުފައްދާފައިވާ ރާގުތައް ވަގަށް ނަގައިގެން މަދަހަ ކިޔާފައި ވެސް އެބަ ހުރި ކަމަށާއި މިއުޒިކް ކުޅުމަށް ވުރެ އެއީ މާ ބޮޑު ގޯހެއް ކަމަށެވެ.
އެކަމަކު މަދަހަ ވެސް އެބަހުރި އެހެން ފަންނާނުންގެ ރާގުތަކާއި މެލޮޑީތައް ވަގަށް ނަގައިގެން ކިޔާފަ. އެ ވާނީ ކޮން ކަހަލަ ކަމަކަށްތޯ؟ ކޮޕީ ރައިޓެޑް ރާގުތައް ވަގަށް ނަގައިގެން މަދަހަ ކިޔުން އެއީ މާ ރީތި ކަމަކަށް ވާނެ ހެނެއް އަޅުގަނޑަކަށް ހިއެއް ނުވޭ،" އިންތި ވިދާޅުވިއެވެ.
އަދި ވައްކަން ކުރުމަކީ ދީނުގައި ކަނޑައެޅިގެން ހަރާމްކަމެއް ކަމަށް ވެސް އިންތި ވިދާޅުވިއެވެ.
ކަލޯ! މިރަށު މިސްކިތަށް އަރާފަ ނަމާދު ކުރީ ދެކުނު ފަރާތަށް އެނބުރި ހުރެ! މީ ގޯސް ކަމެއްތަ! ގޯސް ހެން ހީވާ ތީ ބުނެލީ. މިސްކިތަކަށްް އަރާފަ ގިބުލަ ނޫން ފަރާތަކަށް އެނބުރި ހުރެ ނަމާދު ކުރާނީ ގޯސް ނުވާތީތޯ