ކައިވެނީގެ ކުރިން ދީޕިކާ އެންމެ ކުރާ ހިތްވާ ކަމަކީ އަންނައުނު ދޮވުން
ބޮލީވުޑްގެ މަޝްހޫރު އެކްޓްރެސް ދިޕިކާ ޕަޑުކޯން ކައިވެނި ކުރުމުގެ ކުރިން އެންމެ ކުރާ ހިތްވާ ކަމަކީ އަންނައުނު ދޮވުން ކަމަށް އޭނާގެ ކުޑައިރުގެ އެކުވެރިޔާ ހިތޭޝާ ބުނެފިއެވެ.
ހިތޭޝާ ބުނެފައި ވަނީ ކައިވެނީގެ ކުރިން ދީޕިކާ އޭނާގެ ރައްޓެހިންގެ އަންނައުނުތައް ގަދަކަމުން އަތުލައިގެން ނަމަވެސް ދޮންނާނެ ކަމަށެވެ. އަދި އޭނާ ކޮންމެ ދުވަހަކު ދެއިރަށް ފޫހިކަމެއް ނެތި އަންނައުނު ދޮންނަ ކަމަށް ވެސް ހިތޭޝާ ބުނެފައިވެއެވެ. ހިތޭޝާ އާއި ދީޕިކާ އަކީ ގުރޭޑް 7އިން ފަށައިގެން އެކުގައި އުޅުނު ގާތް ދެ ރަހުމަތްތެރިންނެވެ. އަދި ހިތޭޝާއަކީ ކިޔެވުމަށް މޮޅު ކުއްޖެއް ކަމަށް ދީޕިކާ ވަނީ ފާހަގަ ކޮށްފައެވެ.
މީގެ އިތުރުން ވެސް ދީޕިކާއާ ބެހޭގޮތުން އޭނާގެ ފޭނުންނަށް ނޭނގޭ ކަމެއް އޭނާ ހިއްސާ ކޮށްފައިވެއެވެ. އެގޮތުން ދިރިއުޅުމުގައި ދިމާވާ ހުރިހާ ކަމަކާ ވެސް އޭނާ ކުރިމަތިލަނީ އެކަނިމާއެކަނި ކަމަށް ދީޕިކާ ބުނެފައިވެއެވެ. އަދި އެއީ އޭނާ އެންމެ ކުޑައިރުން ފަށައިގެން ވެސް އާދަ ވެފައި ހުރި ގޮތް ކަމަށް ވެސް އޭނާ ފާހަގަ ކުރިއެވެ. އޭނާ އެގޮތަށް ކަންތައް ކުރަނީ ދިމާވާ ދަތިތަކުން އަރައިގަންނަން ފަސޭހައީ އެކަނި ކަމަށް ވާތީ ކަމަށް ވެސް އޭނާ ބުނެއެވެ.
މިކަމާ ގުޅިގެން އޭނަގެ ފިިރިމީހާ ރަންވީރު ވެސް އޭނާއާ ސުވާލުތައް ކުރިމަތި ކުރެއެވެ.އެގޮތުން ދިމާވާ ދަތިތަކާ އެކަނިމާއެކަނި ކުރިމަތިލަނީ ކީއްވެގެންތޯ ވަރަށް ގިނައިން ސުވާލު ކުރާ ކަމަށް ދީޕިކާ ބުނެއެވެ.
ކާވެނީގެ ފަހުން ގުއިދޮވުންދޯ