ޓައިގަރ ޝްރޮފްގެ އަސްލު ނަން އެނގިއްޖެ ނަމަ ކުއްލި ސިހުމެއް ލިބޭނެ ކަން ޔަގީން!
ޓައިގަރ ޝްރޮފް އަކީ ބޮލީވުޑްގެ މަޝްހޫރު ފިލްމީ ތަރި ޖެކީ ޝްރޮފްގެ ދަރިފުޅެވެ. އަދި ޓައިގަރ އަކީ ވެސް މިހާރު ބޮލީވުޑްގެ އެންމެ އުހުގައި ފިޔަޖަހަމުން އަންނަ ޒުވާން، ހުނަރުން ފުރިގެންވާ ތަރިއެކެވެ.
ޓައިގަރ ޝްރޮފް އަށް އަސްލު ކިޔާ ނަމަކީ އެއީ އެއް ނޫނޭ ބުނެފި ނަމަ ގަބޫލު ކުރާނަން ހެއްޔެވެ؟ ގަބޫލު ކުރިޔަސް ނުކުރިޔަސް "ޓައިގަރ ޝްރޮފް" އަކީ މި ކުޅަދާނަ ފަންނާނުގެ އަސްލު ނަމެއް ނޫނެވެ. އޭނާގެ އަސްލު ނަން އެނގިއްޖެ ނަމަ ކުއްލި ސިހުމެއް ލިބޭނެ ކަން ޔަގީނެވެ.
ޓައިގަރ ޝްރޮފްގެ އަސްލު ނަމަކީ "ޖޭ ހެމަންތު ޝްރޮފް" އެވެ. މިކަން އޭނާގެ ބައްޕަ ޖެކީ ޝްރޮފް ވަނީ އިންޑިއާގެ ނޫހަކަށް ދިން އިންޓަވިއުއެއްގައ ހާމަ ކޮށްފައެވެ. އަދި އޭނާގެ ދަރިފުޅަށް "ޓައިގަރ ޝްރޮފް" ކިޔުނު ގޮތް ވެސް ޖެކީ ވަނީ ކިޔައިދީފައެވެ.
އެގޮތުން، ޓައިގަރ އަކީ ކުޑައިރު މީހުންގެ ގައިގައި ދަތްއަޅަން ވަރަށް ވަރު ހުންނަ ކުއްޖެއް ކަމަށާއި އޭނާ އަށް ޓައިގަރ ކިޔުނީ އެހެންވެ ކަމަށް ޖެކީ ވަނީ ބުނެފައެވެ.
ޓައިގަރ ޝްރޮފްގެ ފާހަގަ ކޮށްލެވޭ ފިލްމުތަކުގެ ތެރޭގައި ބާޣީ، ސްޓޫޑެންޓް އޮފް ދި އިޔާރ އަދި ވޯ ފަދަ ފިލްމުތައް ފާހަގަ ކޮށްލެވެއެވެ.
ނަން ކީމަ ޝޮކް ޖެހިގެން މިއައީ އައި.ޖީ.އެމް.އެޗް އަށް ގޮއްސަ.
ތިޔައީ ޓްރާންސްޖެންޓް ޖިންސު ބަދަލު ކޮށްގެން އުޅޭ މީހެކޭވެސް ކިޔާ.