މިއީ އާލިއާ ބަޓް، އޭނާގެ ކައިވެނީގެ ހަފްލާގައި ނަގާފައިވާ ފޮޓޯއެއްތަ؟
އާލިއާ ބަޓް އިންޑިއާގެ ޘަގާފީ ކައިވެނީގެ ހެދުމުގައި ނަގާފައިވާ ފޮޓޯއެއް ފެނި ގިނަ ބަޔަކު ވަނީ އޭނާ ކައިވެނި ކުރީތޯ ސުވާލު އުފައްދަން ފަށާފައެވެ.
އޭނާގެ ގިނަ ފޭނުން ދަނީ އޭނާ އެ ހެދުމުގައި ވަރަށް ޗާލު ކަމަށް ބުނެ ތައުރީފް ވެސް ކުރަމުންނެވެ. ނަމަވެސް ހަގީގަތުގައި އާލިއާ އަދި ކައިވެންޏެއް ނުކުރެއެވެ. އެ ފޮޓޯއަކީ އޭނާ ކައިވެނީގެ ހެދުން އިސްތިހާރު ކުރުމަށް ނަގާފައިވާ ފޮޓޯއެކެވެ.
ކައިވެނި ހެދުން ޑިޒައިން ކުރާ އާޓިސްޓެއްގެ އިސްތިހާރަކަށް ނަގާފައިވާ މި ފޮޓޯ މި އާޓިސްޓު ވަނީ އިންސްޓަގްރާމްގައި ހިއްސާ ކޮށްފައެވެ. އަދި މަދު ވަގުތުކޮޅެއްގެ ތެރޭގައި ގިނަ ބަޔަކު ވަނީ މި ފޮޓޯއަށް ލައިކް ކޮށްފައެވެ. އަދި އާލިއާ ކައިވެނި ކުރީތޯ ސުވާލު ކޮށް ބައެއް ފަރާތްތަކުން ވަނީ ސުވާލު ވެސް އުފައްދާފައެވެ.
މި ޑިޒައިނަރު މިހާރު ވަނީ އޭނާ އިންސްޓަގްރާމުގައި ހިއްސާ ކުރި އާލިއާގެ ފޮޓޯ ރިމޫވް ކޮށްލާފައެވެ. އޭނާ އެ ފޮޓޯ ރިމޫވް ކުރީ ކޮން ސަބަބަކާ ހުރެ ކަމެއް ނޭނގެއެވެ.
