ކޮވިޑް-19 ރޭގަނޑަށް ހޭލަނީއެއް ނޫން! ގިނަ ވަގުތު ގޭގައި ތިބުން ބުއްދިވެރި: ފައްޔާޒް
ކޮވިޑް-19 ރޭގަނޑަށް ހޭލަނީ ނޫން ކަމަށާއި ގިނަ ވަގުތު ގޭގައި ތިބުން ބުއްދިވެރި ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވެއްޖެއެވެ.
މިނިސްޓަރު ފައްޔާޒް މިހެން ވިދާޅުވީ ޓްވީޓާގައި މީހަކު ކޮށްފައިވާ ސުވާލަކަށް ޖަވާބު ދެއްވަމުންނެވެ. އެގޮތުން އިރުއޮއްސުމުން ކޮވިޑް-19 ހޭލަނީތޯ އެމީހާ ކުރި ސުވާލަށް ޖަވާބު ދެމުން ފައްޔާޒް ވިދާޅުވީ މި ދުވަސްވަރު އެންމެ ރަނގަޅު ގޮތަކީ އެންމެން ވެސް ގޭގައި ތިބުން ކަމަށެވެ. ނަމަވެސް އެެއީ ވުން ވަރަށް ނާދިރު ކަމެއް ކަން ފާހަގަ ކުރައްވާ ފައްޔާޒް އިތުރަށް ވިދާޅުވެފައިވަނީ އެޗްޕީއޭގެ އުސޫލްތަކުގެ ސަބަބުން ބޭރުގައި އުޅޭ މީހުންގެ އަދަދު 12 ގަޑިއިރަށް ނަމަވެސް މަދުވާނެ ކަމަށެވެ.
އެކަމުގެ ސަބަބުން ބަލި ފެތުރުން މަދުވެގެން ދާނެ ކަމަށާއި ކޮވިޑް-19 ރޭގަނޑަށް ހޭލުމާއި އުސޫލުތަކާ ގުޅުމެއް ނެތް ކަމަށް ފައްޔާޒް ވިދާޅުވިއެވެ.
އެޗްޕީއޭއިން ގެޒެޓް ކޮށްފައިވާ އުސޫލެއްގައި ބުނެފައިވަނީ މާލެއާއި، ހުޅުމާލެއާއި، ވިލިމާލެއާއި، ތިލަފުށްޓާއި، ގުޅީފަޅާއި، ހުޅުލޭގައި، މިއަދުން ފެށިގެން ހަވީރު 6:00 އިން ފެށިގެން ހެނދުނު 6:00 އަށް، އެއްގަމު އުޅަނދުފަހަރު ދުއްވުން މަނާކުރާ ކަމަށެވެ
މާލޭގައި އަޅާފައިވާ ފިޔަވަޅުތައް ވަރުގަދަ ކޮށްފައި މިވަނީ ކޮވިޑް-19 ޖެހޭ މީހުންގެ އަދަދު ބޮޑުތަނުން އިތުރުވެފައިވާ ދަނޑިވަޅެއްގައެވެ. އެގޮތުން އިއްޔެ ވެސް ރާއްޖެއިން 186 މީހުން ފައްސިވެފައި ވެއެވެ. އެއީ މާލެއިން 162 މީހުންނާއި، އަތޮޅުތެރެއިން 14 މީހަކާއި ހިންގަމުން އަންނަ ރިސޯޓުތަކުން 10 މީހުންނެވެ.
އަނގަޔާ އަތާ ދިމާނުވާކަންއެނގޭނެ ކެފޭތަކާއި ރެސްޓޯރެންޓް ތަކާއި އަގުބޮޑު ކޮފީޟޮޕްތައް ބަލާލީމަ.އަދި މާވިއްކާ ފިހާރަތަކާއި މަޖާނެގުމާއި ޕާޓީތައް ބޭއްވުމުގައި މީހުންއުޅޭގޮތް ފެނުނީމަ.