އައްޑޫން މިއަދު ރެންޑަމް ސާމްޕަލް ނަގަނީ
އައްޑޫ ސިޓީގައި މިއަދު ރެންޑަމް ސާމްޕަލް ނެގުމަށް ނިންމައިފިއެވެ.
އައްޑޫ އިމަޖެންސީ އޮޕަރޭޝަން ސެންޓަރުން ބުނީ ރެންޑަމް ސާމްޕަލް ނެގުން މިއަދު މެންދުރު 12:00 އިން ފެށިގެން އިރުއޮއްސި 6:00 އަށް ކުރިއަށް ދާނެ ކަމަށެވެ.
އައްޑޫން ރެންޑަމް ސާމްޕަލް ނަގަން ހަމަޖެހިފައި ވަނީ ހަފްތާއެއްގެ މުއްދަތަކަށެވެ.
އައްޑޫން މިހާތަނަށް 174 ސާމްޕަލް ވަނީ ނަގާފައެވެ. އަދި އެ ސިޓީން ފައްސިވި މީހުންގެ ޖުމްލަ އަދަދު މިހާރު ވަނީ 58 އަށް އަރާފައެވެ.
މިހާރު ރާއްޖެއިން މިބައްޔަށް ޖުމްލަ 17،716 މީހުން ފައްސި ވެފައިވެއެވެ.
ރާއްޖެއިން މިހާރު ކޮވިޑް ބަލިން ފަސޭހަ ވެފައިވަނީ ޖުމްލަ 15،291 މީހުންނެވެ. އަދި މިބަލީގައި ރާއްޖެއިން ނިޔާވި މީހުންގެ ޖުމްލަ އަދަދު މިހާރު 58 އެވެ.
ހޮސްޕިޓަލުތަކުގައި މިހާރު ފަރުވާ ހޯދަމުން ދަނީ 190 މީހުންނެވެ. އަދި ރާއްޖެއިން ކޮވިޑަށް ޓެސްޓު ކުރަން މިހާރު 457،673 ސާމްޕަލް ނަގައިފައި ވެއެވެ.
