ސީސީޓީވީ އިން މި މީހާ ގެއަަށް ވަން ތަން ފެނޭ، އެކަމަކު ދެން ވީ ގޮތެއް ނޭނގޭ
ސެން ފްރާންސިސްކޯ، ކެލިފޯނިއާ: ސެން ފްރާންސިސްކޯގެ މީހަކު ގެއަށް ވަނުމަށް ފަހު ވީނުވީއެއް ނޭނގި ގެއްލިއްޖެއެވެ.
ސީސީޓީވީ ފުޓޭޖުން ފެންނަނީ މި މީހާ ޖަނަވަރީ މަހުގެ 8 ވަނަ ދުވަހު އޭނާ ދިރިއުޅޭ އެޕާޓްމަންޓުގެ ދޮރުން އެތެރެއަށް ވަންނަ ތަނެވެ. އަދި އުމުރުން 50 އަހަރުގެ މި މީހާ، އެޕާޓްމަންޓަށް ފަހު ދެން ވީ ގޮތެއް ނޭނގެއެވެ.
އޭނާ އެޕާޓްމަންޓަށް ވަނުމަށް ފަހު އެޕާޓްމަންޓުގެ އެތެރެއިން ވެސް އޭނާ ފެނިފައި ނުވާއިރު އެޕާޓްމަންޓާ ކައިިރި އެހެން ތަންތަނުން ވެސް އޭނާގެ އެއްވެސް ނިޝާނެއް ފެނިފައެއް ނުވެއެވެ. އަދި އޭނާ އެޕާޓްމަންޓުން ނުކުންނަ މަންޒަރުވެސް ސީސީޓީވީ ފުޓޭޖަށް އަރާފައެއް ނުވެއެވެ. މި މީހާ އަކީ ކޮމްޕިއުޓާ އިންޖިނިއަރެއް ކަމަށް ރިޕޯޓްތައް ބުނެއެވެ.
މިމީހާގެ އާއިލާއިން ބުނާ ގޮތުގައި އޭނާ ވަނީ ގެއްލުމުގެ އެއްދުވަސް ކުރިން އެމީހުންނާ ވާހަކަ ދައްކާފައި ކަމަށެވެ. އަދި އޭނާ ގެއްލުމުގެ ކުރިން އޭނާ ތަފާތު ސްޓޭޓަސްތަކެއް ފޭސްބުކުގައި ލިޔުނު ކަމަށް ވެސް އޭނާގެ އާއިލާއިން ބުނެއެވެ. އަދި އޭނާ އެދުވަސްވަރު އުޅުނީ ވަރަށް ފާޑަކަށް ކަމަށް ވެސް އާއިލާގެ މެންބަރުން ބުނެއެވެ.
މިކަން ފުލުހުންނަށް ރިޕޯޓް ކުރީ އޭނާގެ މަންމައެވެ. އެއީ އޭނާގެ މަންމަ ގުޅުމުން އޭނާ ފޯނު ނުނަގާތީއެވެ. މި ހާދިސާއާ ގުޅިގެން ސެން ފްރެންސިސްކޯގެ ފުލުހުން ވަނީ މިކަން ތަހުގީގު ކުރަން ފަށައިިފިއެވެ.
