ކައިވެނީގެ ހަފްލާގައި ފިރިމީހާ ގާތު ހުއްދައަށް އެދުނީ ކުރީގެ ލޯބިވެރިޔާގެ ގައިގައި އެއްފަހަރު ބައްދާލަން
މިއީ ވަރަށް ފާޑެއްގެ ސުވާލެއް ކަމަށް ވެސް ވެދާނެއެވެ. އެހެން ނަމަވެސް މި ސުވާލަކީ އަމިއްލަ ނަފްސާ ކޮށްލުން ރަނގަޅު ސުވާލެކެވެ. ތިބާގެ ކުރީގެ ލޯބިވެރިޔާއަށް ތިބާގެ ކައިވެނީގެ ހަފްލާއަށް ދައުވަތު ދޭނަން ހެއްޔެވެ؟ ހަމަ ޔަގީނުން ވެސް މިކަމާ ދޭތެރޭ ވިސްނާލުމުން ވެސް ކުރެވޭނީ ވަރަށް ފާޑެއްގެ އިހްސާސެއް ކަން ޔަގީނެވެ. އަދި ކުރީގެ ލޯބިވެރިޔާއަށް ކައިވެނީގެ ހަފްލާއަށް ދައުވަތު ދެނީ މަދު ބައެކެވެ. ހާހަކުން އެކަކޭ ބުންޏަސް ދޮގަކަށް ނުވާނެއެވެ،
މިއީ ވެސް އޭގެ ތެރެއިން އެކެކެވެ. މި އަންހެން ކުއްޖާ ވަނީ އޭނާގެ ކުރީގެ ލޯބިވެރިޔާއަށް ކައިވެނީގެ ހަފްލާއަށް ދައުވަތު ދީފައެވެ. ކައިވެނި ކުރި އަންހެން ކުއްޖާ އޭނާގެ ޓިކްޓޮކް އައިޑީގައި ހިއްސާ ކޮށްފައިވާ ވީޑިއޯގައި ފެންނަނީ ފިރިހެނަކު ކައިވެނިކުރާ ދެމީހުންގެ ގާތަށް އައިސް މަރުހަބާ ކިޔާ ތަނެވެ. އެއީ އޭނާގެ ކުރީގެ ލޯބިވެރިޔާއެވެ.
އޭނާ ފުރަތަމަ އައިސް ކައިވެނި ކުރާ އަންހެން ކުއްޖާއާ ސަލާމް ކޮށްލަން އަތް ދިއްކޮށްލިއެވެެ. ނަމަވެސް ސަލާމް ކުރުމުގެ ބަދަލުގައި މި އަންހެން ކުއްޖާ ބަލާލީ އޭނާގެ ފިރިމީހާއާ ދިމާއަށެވެ. އަދި އެންމެ ފަހު ފަހަރަށް އޭނާގެ ކުރީގެ ލޯބިވެރިޔާ ގައިގައި ބައްދާލިޔަސް އެންމެ ރަނގަޅުތޯ އަހާލިއެވެ.
އޭނާގެ ފިރިމީހާ ބޯ ޖަހާލުމަށް ފަހު އެކަމަށް އޭނާއަށް ހުއްދަ ދިނެވެ. އަދި ހުއްދަ ލިބުމާއެކު އޭނާގެ ކުރީގެ ލޯބިވެރިޔާގެ ގައިގައި އޭނާ ބައްދާލިއެެވެ. އެ މަންޒަރު ބަލަން އޭނާގެ ފިރިމީހާ ހުރި މަންޒަރު ވީޑިއޯއިން ފެންނައިރު އޭނާގެ މޫނުމަތިން ފެނުނީ އެހެން ކުލަވަރެކެވެ.
އަންހެން ކުއްޖާގެ ގައިގައި ބައްދާލުމަށްފަހު، އޭނާގެ ފިރިމީހާއާ ސަލާމް ކޮށްލުމަށް މި މީހާ އަތް ދިއްކޮށްލިއެވެ. ނަމަވެސް ސަލާމް ކުރުމުގެ ބަދަލުގައި މި މީހާ ވެސް ވަނީ އެ ފިރިހެން މީހާގެ ގައިގައި ބައްދާލާފައެވެ.
މި ޓިކްޓޮކް 20 މިލިއަނަށްވުރެ ގިނަ ފަހަރު ބަލާފައިވާއިރު ގިނަ ބަޔަކު ވަނީ މި ޓިކްޓޮކަށް ކޮމެންޓު ވެސް ކޮށްފައެވެ. އެގޮތުން އޭނާގެ މޫނުމަތިން ހަގީގަތް އެބަ ފެންނަ ކަމަށާއި ހަގީގަތުގައި އޭނާ ހުރީ ވަރަށް ދެރަވެފައި ކަމަށް ބައެއް މީހުން ވަނީ ކޮމެންޓު ކޮށްފައެވެ.
