ރިހެބިލިޓޭޝަންގެ ޚިދުމަތް ދިނުމުގެ ފުރުސަތު އަމިއްލަ ފަރާތްތަކަށް ވެސް ހުޅުވާލަނީ
ރިހެބިލިޓޭޝަންގެ ޚިދުމަތް ދިނުމުގެ ފުރުސަތު ވަރަށް އަވަހަށް އަމިއްލަ ފަރާތްތަކަށް ވެސް ހުޅުވާލެވޭނެ ކަމަށް ޖެންޑާ މިނިސްޓަރ ޢާއިޝަތު މުޙަންމަދު ދީދީ ވިދާޅުވެއްޖެއެވެ.
އާއިޝަތު މިހެން ވިދާޅުވެފައި ވަނީ "ޖަޒީރާ ސައްލާ"ގެ ނަމުގައި ސަރުކަރުން ކުރިއަށް ގެންދާ ޚާއްސަ ޕްރޮގްރާމުގައި ވާހަކަ ދައްކަވަމުންނެވެ. މިނިސްޓަރ ވިދާޅުވީ ޤާނޫނުގެ ދަށުން އަމިއްލަ ފަރާތްތަކުން ރީހެބިލިޓޭޝަން ދިނުމުގެ ފުރުސަތު ހުޅުވާލުމުން ފަރުވާދެވޭނެ ނިޒާމު އިތުރަށް ބޮޑުވެ ރަނގަޅު ގޮތުގައި ކުރިއަށް ގެންދެވޭނެ ކަމަށެވެ.
"މިކަމުގެ ނަތީޖާ ފެންނާނީ ދުވަސްކޮޅަކުން. ވަރަށް ބޮޑަށް ގަބޫލުކުރަން ޤާނޫނުގެ ދަށުން އަމިއްލަ ފަރާތްތަކުން ރީހެބިލިޓޭޝަން ދިނުމުގެ ފުރުސަތު ހުޅުވާލުމުން ފަރުވާދެވޭނެ ނިޒާމު އިތުރަށް ބޮޑުވެ މިކަން ރަނގަޅު ގޮތުގައި ކުރިއަށް ގެންދެވޭނެކަމަށް. " މިނިސްޓަރ ވިދާޅުވިއެވެ.
މީގެ އިތުރުން މިނިސްޓަރ ވިދާޅުވީ މިނިސްޓަރ ވިދާޅުވީ ޑްރަގުގެ ވަބާގައި ޖެހިފައިވާ މީހުން އެކަމުން ސަލާމަތް ކުރުމަކީ މުޅި މުޖުތަމައު އެކުގައި ކުރަންޖެހޭ ބޮޑު މަސައްކަތެއް ކަމަށެވެ.
އަދި މިކަމަކީ ޢާންމުންގެ އެއްބާރުލުމާއި، އެހީތެރިކަން ބޭނުންވާކަމެއް ކަމަށް މިނިސްޓަރ ވިދާޅުވިއެވެ.
Ads by STO
