ހިޔާ ފްލެޓްތަކުގެ ދާއިމީ ލިސްޓުން ގިނަ މައްސަލަތަކެއް ފާހަގަ ކުރެވިއްޖެ - ރައީސް
ހިޔާ މަޝްރޫއުގެ ދަށުން ފްލެޓް ލިބޭ މީހުންގެ ފައިނަލް ލިސްޓުން މިހާރު ވެސް ގިނަ މައްސަލަތަކެއް ފާހަގަކުރެވިފައިވާ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހް ވިދާޅުވެއްޖެ އެވެ.
ރައީސް ޞާލިހް މިހެން ވިދާޅުވީ ރޭ ކުރިޔަށްދިޔަ އެމްޑީޕީގެ ރަށްވެހި ފަތިސް ކެންޕެއިން ބައްދަލްވުމުގައި ވާހަކަފުޅު ދައްކަވަމުންނެވެ. ރައީސް ވިދާޅުވީ ހިޔާ މަޝްރޫއުގެ ދަށުން ކުރީ ސަރުކާރުން އިމާރާތްކުރި ފްލެޓް ލިބޭ މީހުންގެ ފައިނަލް ލިސްޓް މިސަރުކާރުން އާންމު ކޮށްފައިވާއިރު އެ ލިސްޓުން މިހާރުވެސް ގިނަ މައްސަލަތަކެއް ފާހަގަ ކުރެވިފައިވާ ކަމަށެވެ.
ރައީސް ވިދާޅުވީ ހިޔާ ފްލެޓްތައް ބެހުމުގައި އުނދަގޫތަކެއް އެބަހުރި ކަމަށެވެ. އަދި މިހާރު ލިބޭނެ ކަމަށް ދެވިފައި ހުރި ލިޔުންތަކާއެކުވެސް އަދިވެސް މައްސަލަތަކެއް ހުރި ކަމަށް ފާހަގަ ކުރެވޭނަމަ ފައިނަލްކޮށް އެވޯޑް ކުރުމުގެ ކުރިން ޕްލޭނިން މިނިސްޓްރީން ބަލަމުން ގެންދާނެ ކަމަށެވެ.
“އެހެންވީމަ ތިބޭފުޅުންގެ އެއްވެސް ޝަކުވާއެއް އޮވެއްޖިއްޔާ އަޅުގަނޑުމެންނާ ހަމައަށް ފޯރުކޮށްދިނީމާ އެކަން ހިނގާފައި އޮތް ގޮތެއް އަޅުގަނޑުމެން ބަލާނަން، ބަލާފައި އެންމެ ހައްގު ފަރާތަށް އެ (ފްލެޓް) ދެވޭތޯ ބަލާނަން،" ރައީސް ވިދާޅުވިއެވެ.
ރައީސް ވިދާޅުވީ ފައިނަލް ލިސްޓުން މިހާރު ވެސް ސާޅީހަކަށް މައްސަލަ ފާހަގަ ކުރެވިފައިވާ ކަމަށެވެ.
“އެހެންވީމަ އަޅުގަނޑުމެން މި ގަސްތު ކުރަނީ ނުކުޅެދުންތެރިކަން ހުންނަ އާއިލާތަކަށް އެބައި ބަދަލު ކުރަން. އެހެންވީމަ މީގެ ތެރެއިން ސަތޭކައެއްހާ ފްލެޓް އަޅުގަނޑު ހިތުން ބަދަލު ކުރެވިއްޖެއްޔާ މިވަގުތަށް މި އޮތް ބޮޑު މައްސަލައަކަށް ހައްލެއް އަތުވެދާނެ ކަމަށް ގަބޫލު ކުރެވޭތީ އެ ވިސްނުމުގައި އަޅުގަނޑުމެން މަސައްކަތްތަކެއް އެބަ ކުރަން،" ރައީސް ވިދާޅުވިއެވެ.
ހުޅުމާލޭގައި އިމާރާތް ކޮށްފައިވާ ހިޔާ ފްލެޓް ލިބޭ މީހުންގެ ދާއިމީ ލިސްޓް އާންމު ކުރީ މިދިޔަ މަހުގެ ނުވަވަނަ ދުވަހުގައެވެ. ހިޔާ މަޝްރޫއުގެ ފްލެޓްތަކުގެ އަދަދަކީ 7،000 ކަމުގައި ކުރީގެ ސަރުކާރުން ކަނޑައަޅާފައި އޮތް ނަމަވެސް ފްލެޓް ތަކުގެ ގްރައުންޑް ފްލޯ، ޓަވަރުތަކުގައި ދިރިއުޅޭ މީހުންގެ އަސާސީ ބޭނުންތަކުގެ ވިޔަފާރިއަށް މި ސަރުކާރުން ހާއްސަ ކުރުމުން އެ އަދަދު ވަނީ 6،720 އަށް ކުޑަވެފައެެވެ.
ފްލެޓް ލިބޭ މީހުންގެ ދާއިމީ ލިސްޓު ގެޒެޓުގައި އާންމު ކޮށްފައިވާއިރު، އެ ލިސްޓުގައި ހިޔާ މަޝްރޫއުގައި ހުޅުވާލި 12 ކެޓަގަރީ އާއި ސިވިލް ސާވިސް މުވައްޒަފުންގެ ތެރެއިން ފްލެޓް ޔަގީންވި މީހުން ވަކިން އެނގޭނެ ގޮތަށް ހިމަނާފައި ވެއެވެ.
މި މަޝްރޫއު އަކީ ރާއްޖޭގައި މިހާތަނަށް ހިންގުނު ބޯހިޔާވަހިކަމުގެ އެންމެ ބޮޑު މަޝްރޫއެވެ.
ހިޔާ މަޝްރޫޢު މިހާރު ވައްތަރުވަނީ ” ކޮނޑޭގައި ހުންނެވިޔޭ ރަސްކަލެއް. އެރަސްގެފާނު ރަސްކަން ކުރެއްވި ޒަމާނުގައި ފަރީއްކުޅުވަނީ ބޮނޑޭ! ލަނީ ހޮޑޭ! އަންނަހާ ރާއްޅެއްގައި ވިއްދަނީ ކޮނޑޭ! ކޮނޑޭގައި ހުންނެވިޔޭ ރަސްކަލެއް………………………؟؟؟ ނުނިމޭ ވާހަކަ.
ވަރަށއ ހެއްވާ! ތިޔަ އުޅުއްވަނީ ތިޔަ ކަން ދަމާލަން. އިންތިޚާބުގެ ހަތިޔާރަކަށް ހިޔާ މަޝާރޫޢު ނުހައްދަވާށޭ……..
ނިމުމެއްނެތް ސްޓޯރީ އެއް މިނޫނަސް މިޤަވްމުގަ ފްލެޓްދީފި މީމަޖާކަމެއް