އެއްވެސް މިނިސްޓަރެއް މަސްއޫލިއްޔަތު ކަމުން ފެއިލް ވެއްޖެ ނަމަ މަގާމުން ވަކި ކުރާނަން: ރައީސް
އެއްވެސް މިނިސްޓަރެއްގެ މަސްއޫލިއްޔަތު ކަމުން ފެއިލް ވެއްޖެ ނަމަ މަގާމުން ވަކި ކުރާނެ ކަމަށް ރައީސުލް ޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
މިހާރު ކުރިޔަށްދާ ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ރައީސް ވިދާޅުވީ، ވަޒީރެއްގެ އިތުބާރު ނެތް ކަމަށް ނުވަތަ ރައްޔިތުންނަށް ހިދުމަތް ކޮށްދިނުމުގައި މަސައްކަތް ކުރުމުގަ ފެއިލް ވެއްޖެ ކަމަށް ގަބޫލުކުރެވޭ ހިސާބުން އެ ވަޒީރަކު މަގާމުން ވަކި ކުރާނެ ކަމަށެވެ.
“އަޅުގަނޑުމެން މިކުރަނީ އަމިއްލަ މަސައްކަތެއް ނޫން. ރާއްޖޭގެ ހުރިހާ ވަޒީރުންނާ ހުރިހާ މުވައްޒަފުން ވެސް ގަބޫލުކުރައްވާނެ މި ކުރަނީ ރައްޔިތުންނަށް ހިދުމަތް. އަޅުގަނޑުމެންގެ އަމިއްލަ މަސްލަހަތައްވުރެ ކުރިމަތީގަ ކުރަން އޮތް މަސައްކަތް މާ ބޮޑު. އެގޮތުން އަޅުގަނޑު އަޅަން ޖެހޭ ފިޔަވަޅެއް އަޅާނަން. ފަސްނުޖެހޭނަން” ރައީސް ވިދާޅުވިއެވެ.
ތިހެން ކިޔައިގެންތާ އެމް.ޑި.ޕީ މިހުނަށް ވަޒީރުކަން ދެވޭނީ. ތިހެން ވިދާޅުވާއިރު ތިޔަ ރައީސަށްވުރެ ބޮޑުތަނުން ފެއިލް ވެފައި ހުރީ ކޮން ބޭފުޅެއްތޯ؟