އައްޑޫ ސިޓީ ހިތަދޫގައި ކަތިވަޅިއަކުން ހަމަލާދީ މީހަކު ޒަހަމްކޮށްލަަައިފި
އައްޑޫ ސިޓީ ހިތަދޫގައި މީހަކަށް ކަތިވަޅިއަކުން ހަމަލާދީ ޒަހަމް ކޮށްލަައިފިއެވެ.
ކަތިވަޅިން ހަމަލާ ދީފައި ވަނީ ރޭގެ ވަގުތެއްގައެެވެ. މައުލޫމާތު ލިބުފައިވާ ގޮތުގައި އޭނާއަަށް ހަމަލާދީފައި ވަނީ ހިތަދޫ ބޮޑު މަގުގައި ހުންނަ ހުސައިން މޫސަ މިސްކިތް ކައިރީގައި ހުންނަ ގާޑިއާއަކަށް ގޮސް ހުއްޓައެވެ.
މި މާރާމާރީއާ ގުޅިގެން އެ ޒުވާނާއަށް ލިބިފައިވާ ޒަހަމްތަކުގެ ތަފްސީލެއް އަދި ލިބިފައެއް ނުވެއެވެ.
”ދެން” އަށް މައުލޫމާތު ލިބިފައިވާ ގޮތުގައި އެ ހާދިސާ ހިނގާފައި ވަނީ އައްޑޫ ސިޓީ ހިތަދޫގައި ހުންނަ މަސްޖިދުއް ތަގްވާ (ހުސެއިން މޫސާ) މިސްކިތް ހުންނަ ސަރަހައްދުގައި ރޭ 12:45 އެހާއިރުއެވެ.
މީގެ އިތުރުން ވެސް އައްޑޫ ސިޓީގައި ރޭ ވަނީ އިތުރު މާރާމާރީ އެއް ހިންގާފައެވެ. އެ މާރާމާރީގައި 7 މީހަކަށް އަނިޔާ ވެފައިވެއެވެ. އެމީހުންގެ ތެރެއިން ބައެއް މީހުންނަށް ފޭދޫ ސިއްޙީ މަރުކަޒުގައި ފަރުވާ ދެމުންދާއިރު، އަނެއްބައި މީހުންނަށް ހިތަދޫ ހޮސްޕިޓަލުގައި ފަރުވާ ދެމުންދާ ކަމަށް ފުލުހުންގެ މީޑިއާ އޮފިޝަލަކު މައުލޫމާތު ދެއެވެ.
