ކޮވިޑް-19 ގެ 66 ވަނަ މަރު؛ 66 އަހަރުގެ މީހެއް
ރާއްޖޭގައި ނިޔާވި މީހަކު، ނިޔާވީ ކޮވިޑް-19 ޖެހިގެން ކަމަށް ކަނޑައަޅައިފިއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ ރޭ އިރާކޮޅު އައިޖީއެމް ހޮސްޕިޓަލުގެ އެމަޖެންސީއަށް ގެންދިޔަ މީހަކު 20:45 ހާއިރު ނިޔާ ވެފައިވާ ކަމަށެވެ. އަދި ޑޮކްޓަރުން ބެލި ބެލުމުން އޭނާ ނިޔާވެފައި ވަނީ ކޮވިޑް-19 ޖެހިގެން ކަމަށް ނިންމާފައިވާ ކަމަށެވެ.
ނިޔާވެފައި ވަނީ އުމުރުން 66 އަހަރުގެ ދިވެހި ފިރިހެނެކެވެ.
މިއީ ކޮވިޑް-19 ޖެހިގެން ރާއްޖެއިން ނިޔާވި 66 ވަނަ މީހާއެވެ.
މިހާރު ރާއްޖެއިން މިބައްޔަށް ޖުމްލަ 22،373 މީހުން ވަނީ ފައްސި ވެފައިވެއެވެ. އަދި 19،897 މީހުން ވަނީ ބަލިން ޝިފާ ލިބިފައެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވާ، ފާފަ ފުއްސަވާ ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މި ހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
