ކާރްތިކް އާރްޔަން "ޕޮޒިޓިވް" ވެއްޖެ
ބޮލީވުޑްގައި މިހާރު އަރަމުން އަންނަ ތަރި ކާރްތިކް އާރްޔަން ކޮވިޑް-19 އަށް ޕޮޒިޓިވް ވެއްޖެއެވެ.
ޕްލަސް (+) ސައިނެއް ދައްކަމުން ކާރްތިކް ނަގާފައިވާ ފޮޓޯއެއް، މީސް މީޑިއާގައި ހިއްސާ ކުރަމުން އޭނާ ބުނީ ކޮވިޑް-19 އަށް ޕޮޒިޓިވް ވެފައިވާ ކަމަށާއި އަވަހަށް ރަނގަޅުވޭތޯ ދުޢާ ކޮށްދިނުމަށެވެ.
ކޮވިޑަށް ޕޮޒިޓިވް ވެފައިވާތީ ކާރްތިކްގެ ފޭނުން މިހާރު ވެސް ވަނީ އޭނައަށް ހެޔޮ ދުޢާ ފޮނުވާފައެވެ.
ކާރްތިކް ކޮވިޑަށް ޕޮޒިޓިވްކަން މިއަދު އިއުލާނު ކޮށްފައިވާއިރު، އޭނާވަނީ މަނީޝް މަލޯތުރާ އިންތިޒާމު ކުރި ފެޝަން ޝޯއެއްގައި މިދިޔަ ހޮނިހިރު ދުވަހު ކިއާރާ އަދްވާނީ އާއެކު ހިނގާފައެވެ.
މީގެއިތުރުން "ބޫލް ބުލައިއްޔާ 2" ގެ ޝޫޓިންގައި ކާރްތިކް ވަނީ ކިއާރާ އާއި ތައްބޫ އާއެކު މަސައްކަތް ވެސް ކޮށްފައެވެ.
"ބޫލް ބުލައިއްޔާ 2" ގައި މަސައްކަތް ކުރަން ކާރްތިކް ވަނީ އޭނަގެ އިސްތަށިގަނޑު ވެސް ދިގު ކޮށްފައެވެ. މި ބަދަލާއެކު އޭނާއަށް ސަޕޯޓުކުރާ މީހުން އަދަދު އިންތިހާއަށް މަތިވެގެން ދިޔައެވެ.
