ލަންޑަންގައި ގޮނޑި ދުއްވަން ރައީސް ނަޝީދު އުޅުއްވިއިރު، ބުރަ މަސައްކަތުގައި އުޅުއްވީ ޝިދާތާ: މަލީޙް
ބެކްބޯން ހަލާކުވެއްޖެ ކަމުގެ ދޮގާއެކު ލަންޑަންގައި ކުރީގެ ރައީސް މުޙައްމަދު ނަޝީދު ގޮނޑި ދުއްވަން އުޅުއްވިއިރު، ބުރަ މަސައްކަތުގައި އުޅުއްވީ ކުރީގެ ޖެންޑާ މިނިސްޓްރ ޝިދާތާ ޝަރީފް ކަމަށް ކުރީގެ ކޮމިއުނިކޭޝަން، ސައިންސް އެންޑް ޓެކްނޮލޮޖީ މިނިސްޓަރު މަލީޙް ޖަމާލު ވިދާޅުވެއްޖެއެވެ.
ޝިދާތާގެ ދިފާޢުގައި އަނެއްކާވެސް ވާހަކަ ދައްކަވަމުން މަލީޙް މިރޭ ކުރެއްވި ޓްވީޓެއްގައި ވިދާޅުވީ ބެކްބޯން ހަލާކުވެއްޖެ ކަމުގެ ދޮގާއި އެކު ލަންޑަނުގެ ގޮނޑި ދުއްވަން ރައީސް ނަޝީދު އުޅުއްވި އިރު ހޭބޯ ނާރާ މަސައްކަތުގައި އުޅުއްވީ ކުރީގެ މިނިސްޓަރ ޝިދާތާ ކަމަށެވެ.
"އަދާލަތު ޕާޓީގެ ފަރާތުން ވެސް އެންމެ ބުރަ މަސައްކަތެއް ކުރެއްވީ ޝިދާތާ. އެކަމަނާއާ ދޭތެރޭ އަމަލު ކުރެއްވީ ވަރަށް އިހާނެތިކޮށް" މަލީޙް ވިދާޅުވިއެވެ.
ޝިދާތާ އާއި ދޭތެރޭ މިސަރުކާރުން ޢަމަލު ކޮށްފައިވަނީ ބޭއިންސާފުން ކަމަށް މީގެ ކުރިންވެސް މަލީޙް ވަނީ ވިދާޅުވެފައެވެ.
އެގޮތުން މިނިސްޓަރު ކަމުގައި ހުންނެވިއިރު މަލީޙުގެ އިތުބާރު ނެތްކަމަށް ރައްޔިތުންގެ މަޖިލީހަށް ހުށަހެޅި މައްސަލައިގައި މިމަހުގެ 1ވަނަ ދުވަހު ޖަވާބުދާރީ ވާން ދިން ފުރުސަތުގައި ވާހަކަފުޅު ދައްކަވަމުން ވެސް މަލީޙް ވިދާޅުވީ، މަސްއޫލިއްޔަތު އަދާ ކުރުމަށް ހުރަސް އަޅާ ކުރީގެ ޖެންޑާ މިނިސްޓަރު ޝިދާތާ ވެސް މަގާމުން އިސްތިއުފާ ދެއްވުމަށް މަޖުބޫރުކުރުވި ކަމަށެވެ.
އޭރު މަލީހުކޮބާ؟
މަލީހު އޭރު އިންތަން ފޮޓޯއިން ފެންނާކަށްނުން އޭދީ، ގޮނޑި ދުއްވި މީހާ ފެންނަން ނެތީ