ކޮވިޑް-19: އަލިފުށިން ދެ މީހަކު ފައްސިވެއްޖެ
ރ. އަލިފުށިން ދެ މީހަކު މިއަދު ކޮވިޑް-19 އަށް ފައްސި ވެއްޖެއެވެ.
އަލިފުށި ކައުންސިލުގެ ނައިބު ރައީސް ޢަބްދުއްރަޙްމާން ޔޫސުފް "ދެން" އަށް މައުލޫމާތު ދެއްވަމުން ވިދާޅުވީ، އެރަށުން ފައްސި ވެފައި ވަނީ ކަރަންޓީނު ގައި ތިބި ދެ މީހެއް ކަމަށެވެ.
"ފައްސި ވެފައި ވަނީ މާލެއިން ކަރަންޓީނަށް އައިސް ތިބި ދެ އަންހެނުން. އެމީހުން ކޮވިޑަށް ފައްސިކަން އެނގިފައިވަނީ ކަރަންޓީނުގެ މުއްދަތު ހަމަވުމުން ނެގި ރިލީސް ސާމްޕަލް ފައްސި ވުމުން. ދެ މީހުން ވެސް ފައްސިކަން އެނގިފައިވަނީ މިއަދު" ޢަބްދުއްރަޙްމާން ވިދާޅުވިއެވެ.
ޢަބްދުއްރަޙްމާން ވިދާޅުވި ގޮތުގައި ފައްސި ވެފައި ވަނީ ކަރަންޓީނުގައި އެއް ގެއެއްގައި ތިބި ދެ މީހުންނެވެ. ފައްސި ވެފައިވަނީ ކަަރަންޓީނުގައި ތިބި ބަޔަކަށް ވެފައި އެމީހުންގެ ކޮންޓެކްޓެއް ނުހުންނާނެތީ މި ދެ ކޭސްއާ ގުޅިގެން އެ ރަށް މޮނީޓަރިންގަކަށް ނުލާނެއެވެ.
