"ރައްޔިތުކަން ދޫކޮށްލާ ޤާނޫނަކީ ރާއްޖޭގައި އިތުރު ދީންތަކަށް ފުރުސަތު ދިނުމުގެ ބިންގާ "
ސަރުކާރުން އެކުލަވާލާ ގެޒެޓްކޮށްފައިވާ، "ދިވެހި ރައްޔިތުކަން ދޫކޮށްލުމާބެހޭ ގަވާއިދު" އަކީ ރާއްޖޭގައި އިތުރު ދީންތަކަށް ފުރުސަތު ދޭން އެޅި ބިންގަލެއް ކަމަށް އިދިކޮޅު ކޯލިޝަންގެ އެކްޓިން ލީޑަރު އަބްދުއްރަޙީމް އަބްދުﷲ ވިދާޅުވެއްޖެއެވެ.
މިއަދު ޕީޕީއެމްގެ އޮފީހުގައި ކުރިޔަށްދިޔަ ނޫސްވެރިންގެ ބައްދަލުވުމުގައި އަދުރޭ ވިދާޅުވީ، ދިވެހި ރައްވެހިކަން ދޫކޮށްލަން ހަދާފައިވާ ޤަވާއިދަކީ ވަރަށް ނުރައްކާތެރި ކަމެއްގެ ފެށުން ކަމަށެވެ.
"އެއީ ވަރަށް ނުރައްކާތެރި ކަމެއްގެ ފެށުން. އެއީ މިރާއްޖޭގައި ތަފާތު ދީންތަކަށް ފުރުސަތު ދިނުމުގެ މައިގަނޑު ވިސްނުން. ދީނީ މިނިވަންކަން ދިނުމުގެ ފުރަތަމަ ބިންގާ." އަދުރޭ ވިދާޅުވިއެވެ.
އަދުރޭ އިތުރަށް ވިދާޅުވީ، ތަންފީޒް ވެގެންދާ މިޤާނޫނުގެ ސަބަބުން ދިވެހި މަންމައަކާއި ބައްޕަ އަކަށް އުފަން މީހަކަށް ވެސް ކޮންމެ ދީނަކަށް އުޅުމުގެ ފުރުސަތު ލިބިގެންދާނެ ކަމަށާއި މަގުމަތީގައި ދީނާ ޚިލާފު ކަންކަން އާއްމުވެ، މުޖުތަމަޢު ފަސާދަ ވެގެން ހިގައިދާނެ ކަމަށެވެ.
"މިސާލަކަށް ދިވެހި ދެމަފިރިއެއްގެ ދަރިޔަކު، ދިވެހި ރައްޔިތުކަން ދޫކޮށްލީ، އެހިސާބުން އޭނާއަކަށް މަޖުބޫރެއް ނޫން، އިސްލާމް ދީނުގައި ހުންނާކަށް. އެކަމަކު އޭނާއަށް ރާއްޖޭގައި އެބަ ހުރެވޭ. އޭނާގެ މައިންބަފައިންނަކީ ދިވެހިން، އޭނާގެ ގެދޮރު ހުރީ ރާއްޖޭގައި،" އަދުރޭ ވިދާލުވިއެވެ.
މިފަދަ ކަންކަން ސަރުކާރުން ކުރާއިރު، ސަރުކާރުގެ ކޯލިޝަންގެ ބައިވެރިން އެއްޗެކޭ ވިދާޅުނުވާތީ އެމަނިކުފާނު ވަނީ ސުވާލު އުފައްދަވާފައެވެ. މިގޮތުން ވައްކަން ކުރުމާއި ދީނަށް ފުރައްސާރަ ކުރުމާއި ރޭޕް ކުރާމީހުން ހިމާޔަތް ދޭއިރު، އެކަމާމެދު ކޯލިޝަންގެ ބައިވެރިން އެއްވެސް ބަހެއް ނުބުނަނީ ކޮންކަހަލަ އަޅުވެތިކަމެއްގައި ތިބީމަތޯ އެމަނިކުފާނު ވަނީ ސުވާލު އުފައްދަވާފައެވެ.
ސައްތައިން މުސްލިމް ގައުމެއްގައި، އެތައް އަހަރެއްގައި ވެރިކަން ކޮށްފައި ހުރި މީހަކާ އެތައް ދުވަހަކު ދަޢުލަތުގެ އިސް މަޤާމުތައް ފުުރުއްވާފައި ތިބި ބޭފުޅުން އެބަތިބި ކޯލިޝަންގައި .މިއަދު އެއްޗެކޭ އެބޭފުޅުން ވިދާޅުނުވާއިރު، ހިތަށް އަރާ އެބޭފުޅުން އެތިއްބެވީ ކޮންފަދަ އަޅުވެތި ކަމެއްގައި ތޯއޭ" އަދުރޭ ވިދާޅުވިއެވެ.
"ދިވެހި ރައްޔިތުކަން ދޫކޮށްލުމާބެހޭ ގަވާއިދު" ވިދާޅުވެއްޖެ ކަމަށާއި އޭގައި މައްސަލައެއް ނެތް ކަމަށް މީގެ ކުރިން ރައީސް މަޢުމޫން އަބްދުލް ޤައްޔޫމް ވަނީ ވިދާޅުވެފައެވެ.
އަދުރޭގެ ބްރިލިއަންޓް ކަމަށް ތަޢުރީފު ކުރަން. ތިޔައީ %100 ޙަޤީޤަތެއް. ރައްޔިތުކަން ދޫކޮށްލަނީ ރާއްޖޭގައި ބޭނުން ގޮތަކަށް ނޫޅެވޭތީ. ދޫކޮށްލެވެނީ ފޮރިން މިނިސްޓަރ ކަނޑައަޅާ ކޮމެޓީއަކުން އިންޓަވިއު ކުރުމަށްފަހު.
ރައްޔިތުކަން ދޫކޮސްލެވޭ ކްރައިޓީރިއާ.
1. އެހެން ޤައުމަކުން ރައްޔިތުކަން ލިބި އެކަމުގެ ލިޔުން ހުށައަޅައި، ރައްޔިތުކަން ދޫކޮށްލުމަށް އެދުމުން.
2. އެހެން ޤައުމަކުން ރައޔިތުކަން ލިބޭނެ ކަމުގެ ޔަޤީން ކަންލިބޭ ލިޔުމެއް ހުށަ އަޅައި އެކަމަށް އެދުން. އިންޓަވިއު ކުރުމަށް ފަހު، އިސްވެ ބަޔާން ކުރެވިފައިވާ ގޮތަށް ކަން އޮތްނަމަ، ރައްޔިތުކަން ދޫވިކަމުގެ ލިޔުމެއ ފޮރިން މިނިސްޓްރީް ދޫކުރަން ޖެހޭނެ. ހަމަ އެހާރުން، އެމީހާއަށް ރާއްޖޭން ދިވެއްސަކަށް ލިބޭ ހުރިހާ ޢީނާޔަތެއް ގެއްލޭނެ. އެއަށްފަހު ރާއްޖޭގައި އޭނާ އުޅޭނަމަ އުޅެވޭނީ އެހެން ބިދޭސީންވެސް އުޅޭ ގޮތަށް.
އެހެން ދީނެއްގެ މަތީ ހުރެގެން ދިވެހި ރައްޔިތުކަން ލިބޭ ގޮތް.
ރައްޔިތުކަން ދޫކޮށްލި މިހާ، 6 މަސް ދުވަހުގެ ތެރޭޣައި ރައްވެހިކަން ނުލިބިއްޖެނަމަ، އިތުރަށް އެޕްލަައި ކުރުމަކާ ނުަލައި އޮޓަމެޓިކުން ދިވެހި ރައްޔިތަކަށް އަލުންވާނެއެވެ. އެޙާލަތުގައި މުސްލިމަކަށް ނުވިޔަސް ރައްޔިތުކަން ލިބޭނެއެވެ. ޣައިރު ދީނެއަގައި ހުރުމަކުން ދިވެހި ރައްޔިތުކަން އޮޓޮމެޓިކުން ލިބުމަކަށް އެއްވސް ހުރަހެއް ނެތި ލިބޭނެއެވެ. މިހުރީ އަންނިމެން ކުޅޭ މުޑޫދާރު ކުޅިގަނޑު