ޕީޖީ ޝަމީމްގެ އިތުބާރު ނެތްކަމުގެ މައްސަލަ މަޖިލީހަށް ވައްދަނީ
ޕްރޮސެކިއުޓާ ޖެނެރަލް ހުސައިން ޝަމީމްގެ އިތުބާރު ނެތްކަމުގެ މައްސަލަ ރަައްޔިތުންގެ މަޖިލީހަށް ހުށަހަޅަން އިދިކޮޅު ޕްރޮގްރެސިވް ކޯލިޝަނުން ނިންމައިފިއެވެ.
އިދިކޮޅު ކޯލިޝަނުން މިއަދު ބޭއްވި ނޫސްވެރިންގެ ބައްދަލުވުމެެއްގައި އެ ކޯލިޝަންގައި ހިމެނިވަޑައިގަންނަވާ ، މަޖިިލީހުގެ މަޑުއްވަރީ ދާއިރާގެ މެމްބަރު އަދި ކުރީގެ ޑިފެންސް މިނިސްޓަރު އާދަމް ޝަރީފް ވިދާޅުވީ ވެންޓިލޭޓްރު މައްސަލައަކީ ސީރިއަސް މައްސަލައަކަށް ވާތީ ވީހާ ވެސް އަވަހަށް އެކަން ކުރިއަށް ގެންދަން ބޭނުންވާ ކަމަށެވެ.
އިދިކޮޅުން މިހެން ބުނެފައިވަނީ ސަރުކާރުން ވައްކަން ކޮށްފި ކަމަށާއި ވައްކަން ކުރާ ސަރުކާރެެއްގައި އެމްޑީޕީ އޮތުމަށް ނޭދޭނެ ކަމަށް ރައީސް ނަޝީދު ވިދާޅުވެފައި ވަނިކޮށެވެ.
ނަޝީދު މިހެން ވިދާޅުވީ ކޮވިޑް-19 ޖެހިފައިވާ ފަރާތްތަކަށް ފަރުވާ ދިނުމަށް ބޭނުންވާ ވެންޓިލޭޓަރު ގެނައުމުގައި ކޮރަޕްޝަންގެ ޢަމަލުތައް ހިންގި މައްސަލައިގައި ދަޢުވާ ނުކުރަން ނިންމީ ކުރިން ހޯދާފައިވާ ހެއްކާއި ޤަރީނާގެ މައްޗަށް ބަލައި ޖިނާޢީ ކުށެއްގެ ގޮތުގައި ސާބިތު ކޮށްދެވިދާނެ ކަމަށް ނުފެންނާތީ ކަމަށް ޕީޖީ އޮފީހުން ބުނުމާ ގުޅިގެންނެވެ.
ކޮވިޑް ޖެހި ހާލު ބޮޑުވާ މީހުންނަށް ފަރުވާ ދިނުމަށްޓަކައި ގެނައުމަށް ނިންމި 75 ވެންޓިލޭޓަރު ގެންނަށް ދުބާއީ ކުންފުންޏަށް އެޑްވާންސްގެ ގޮތުގައި 90 ޕަސަންޓަށް ވާ 30.9 މިލިއަން ރުފިޔާ ދީފައި ވާއިރު، އަދި ލިބިފައި ވަނީ އޭގެ 10 ވެންޓިލޭޓަރެވެ.
ކޮރަޕްޓެއް ނެެތެއްނުންވެފައެއް. ތިވެސް ޕީޕީއެމް ގެ ކަމެއްނަމަ ހީވާނީ ހޭދެބައިވެގެން އުޅޭހެން. އެމްޑީޕީ ބައިގަނޑު.
ތީ ހަމ ބޮޑު ޖަގްލަރީ ގޭމެއް. ދަޅަ ދައްކަނީ ވޯޓް ހޯދަން ވެގެން.