ޅ. އަތޮޅުގެ ހާލަތަށް ފިޔަވަޅު އަޅަން ކުއްލި މައްސަލައެއް
ޅ. އަތޮޅުގެ ހުރިހާ ރަށްތަކުގައި ކޮވިޑް ފެތުރިފައިވާތީ އެ އަތޮޅުގެ ރައްޔިތުންނަށް ދިމާވެފައިވާ ނުރައްކާތެރި ހާލަތު ބަދަލު ކުރުމަށް އަވަސް ފިޔަވަޅުތަކެއް އަޅަން ގޮވާލާ، ރައްޔިތުންގެ މަޖިލީހަށް ކުއްލި މައްސަލައެއް ހުށަހަޅައިފިއެވެ.
ނައިފަރު ދާއިރާގެ މެމްބަރު އަހުމަދު ޝިޔާމް މަޖިލީހަށް ހުށަހެޅުއްވި މި މައްސަލައިގައި ، މަސްވެރިކަމުގެ މުހިއްމު މަރުކަޒެއް ކަމުގައިވާ ޅ.ފެލިވަރުގައި މަސައްކަތްކުރާ މުވައްޒަފުންގެ ތެރޭގައި ކޮވިޑު ފެތުރި ހުން އައިސްގެން އެތައް މުވައްޒަފުންނެއް އުޅުނުކަން އެ ރަށުގެ މެނޭޖުމެންޓަށް އެނގި އެ ކަން މުވައްޒަފުންނަށް ސިއްރު ކޮށްފައިވާ ކަން ފާހަގަ ކުރައްވާފައި ވެއެވެ. އަދި މާލެއިން އެކި ޓީމުތައް ޚާއްޞަ ހުއްދައިގެ ދަށުން އެކި ޓީމުތައް ފެލިވަރަށާއި އިތުރު ރަށްތަކަށް ދަތުރު ކޮށްފައިވާ ކަމަށާއި އެ ރަށްރަށުގައި ކޮވިޑް ފެތުރުމުގައި ސަރުކާރުގެ އިހުމާލު އޮތް ކަމަށް އަތޮޅުގެ ރައްޔިތުން ޤަބޫލުކޮށް ޝަކުވާ ކުރާ ކަމަށް ޝިޔާމް ހުށަހެޅުއްވި މައްސަލައިގައި ވިދާޅުވިއެވެ.
މި މައްސަލަ މަޖިލީހަށް ބަލައިގެންފައި ވަނީ 14 މެންބަރުންގެ ވޯޓާއެކުގައެވެ.
ޅ. އަތޮޅުގައި ކޮވިޑްގެ ފައްސި ވޭދަނަތައް ށ.އަތޮޅުން ފުރަތަމަ ފެނުނީ ފެލިވަރުންނެވެ. އެ ރަށުން ޕޮޒިޓިވްވި މީހުންގެ އަދަދު ވަނީ 300 އިން މައްޗަށް އަރާފައެވެ.
