އައްޑޫ މޭޔަރަކުން އަނެއްކާވެސް އެމްޑީޕީއަށް
އައްޑޫ މޭޔަރަކަށް އެމްޑީޕީގެ ކެންޑިޑޭޓު އަލީ ނިޒާރު އިންތިހާބުވެވަޑައިގެންފިއެވެ.
އައްޑޫގެ ފޮށިތަކުން މިހާތަނަށް ލިބުނު ނަތީޖާތަކަށް ބަލާއިރު މޭޔަރުކަން އަލީ ނިޒާރު ކާމިޔާބު ކުރައްވާނެކަން ވަނީ ކަށަވަރުވެފައެވެ. އެގޮތުން އަލީ ނިޒާރު 6618 ވޯޓް ހޯއްދަވައިފައިވާއިރު އޭނާއާ އެންމެ ގާތުން ވާދަ ކުރައްވާ ޕީޕީއެމްގެ ކެނޑިޑޭޓް މުޙައްމަދު ލަތީފަށް ލިބިފައި ވަނީ 3725 ވޯޓެވެ.
2011 ވަނަ އަހަރުގައި ލާމަރުކަޒީ ނިޒާމް ފެށުނީއްސުރެ އައްޑޫ މޭޔަރުކަމުގެ ގޮނޑިއަކީ އެމްޑީޕީން ކާމިޔާބު ކުރަމުންދާ ގޮނޑިއެކެވެ. އަދި އެ ސިޓީގެ ކައުންސިލްގެ ފުރިހަމަ އަޣްލަބިއްޔަތު އެމްޑީޕީން ކޮންމެ އަހަރަކު ވެސް ހޯދައެވެ. ނަމަވެސް މިއަހަރުގެ އިންތިޚާބުގައި މާލެއެކޭ އެއްފަދައިން އައްޑޫ ވެސް މަންޒަރު ވެސް ވަނީ ބަދަލުވެފައެވެ. އެ ގޮތުން އައްޑޫގެ ތިން ގޮނޑިއެއް ޕީޕީއެމުން ކަށަވަރުކުރިއިރު އަމިއްލަ 3 ކެނޑިޑޭޓުން ވެސް ވަނީ ގޮނޑި ކާމިޔާބު ކޮށްފައެވެ.
