އެމްޑީޕީން ވަނީ ގިނަ ކައުންސިލްތަކުގެ އަޣްލަބިއްޔަތު ހޯދާފައި، މުޢިއްޒަށް އެއްބާރުލުން ދޭނަން: ރައީސް ނަޝީދު
އިއްޔެ އޮތް ލޯކަލް ކައުންސިލްގެ އިންތިޚާބުގައި އެމްޑީޕީއިން ގިނަ ކައުންސިލް ތަކުގެ އަޣްލަބިއްޔަތު ހޯދާފައިވާ ކަމަށް މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ނަޝީދު ދެންމެ ކުރެއްވި ޓްވީޓެއްގައި ވިދާޅުވީ، މާލެ ފިޔަވާ އެހެން ގިނަ ކައުންސިލްތަކުގެ އަޣްލަބިއްޔަތު އެމްޑީޕީން ހޯދާފައިވާ ކަމަށާއި އެ ޕާޓީން ހޯދި ކާމިޔާބީއަށް މަރުޙަބާ ދަންނަވާ ކަމަށެވެ.
މީގެ އިތުރުން މާލޭގެ މޭޔަރު ކަމަށް ހޮވި ވަޑައިގަތް އިިދިކޮޅުގެ ކެނޑިޑޭޓް ޑރ.މުޙައްމަދު މުޢިއްޒަށް ރައީސް ނަޝީދު ވަނީ މަރުޙަބާ ދަންނަވައިފައެވެ. އަދި މާލޭގެ ކަންކަން ހައްލު ކުރެއްވުމަށް މުޢިއްޒު މަސައްކަތް ކުރައްވާނެ ކަމަށް އުއްމީދު ކުރައްވާ ކަމަށާއި ރައީސް ނަޝީދުގެ ފަރާތުން ދެއްވަން ޖެހޭ އެއްބާރުލުމެއް ދެއްވާނެ ކަމަށް ވެސް ނަޝީދު ވިދާޅުވިއެވެ.
މާލޭގެ މޭޔަރުކަމަށް ޑރ.މުޙައްމަދު މުޢިއްޒު ހޮވިވަޑައިގެންފައި ވަނީ 5000 ވޯޓްގެ ބޮޑު ތަފާތަކުންނެވެ. މިއީ ކައުންސިލްތައް އިންތިޚާބު ކުރަން ފެށިފަހުން އެމްޑީޕީއަށް މާލޭގެ މޭޔަރުކަން ގެއްލުނު ފުރަތަމަ ފަހަރުކަން ފާހަގަކޮށްލެވެއެވެ. މާލެއިން އެމްޑީޕީއަށް ވަނީ ބޮޑުތަނުން ނޫނެކޭ ބުނެފައެވެ. ވަގުތީ ނަތީޖާ ދައްކާ ގޮތުން ޕީޕީއެމްއިން މާލޭގައި ވާދަ ކުރި ހުރިހާ ގޮނޑިއެއްހެން ވަނީ ކާމިޔާބުކޮށްފައެވެ.
ބޮޑެތި ބާރުތަކެއް ކައުންސިލަށްދީ ކައުންސިލްތައް ލާމަރުކަޒުކޮށް އެމްޑީޕީން މާލޭގެ ގިނަ ގޮނޑިއާއި އައްޑޫގައި ދަމަހައްޓަމުން އައި ސުޕަރ މެޖޯރިޓީ ވަނީ ގެއްލިފައެވެ. ނަަމަވެސް މާލެ ފިޔަވާ ދެން އޮތް 3 ސިޓީގެ މޭޔަރު ކަމަށް ހޮވިފައި ވަނީ އެމްޑީޕީގެ ކެނޑިޑޭޓުންނެވެ.
މިހާރުވެސް ތިހިރީ ރުޅިއައިސް ރަތް ވެފައެއްނު. އަތްޖަހަމުން ނަށައިގަނޭ!
ކަލޭ ދެން ބޭރު ކުރަންވީ! އެނގިއްޖޭ