މަތިވެރީގެ ހާލަތު ގޯސް، ފައްސިވީ އަދަދު 64އަށް
އއ.މަތިވެރިން ކޮވިޑް-19އަށް ފައްސިވީ މީހުންގެ އަދަދު 64އަށް އަރައިފިއެވެ.
މަތިވެރިން ފައްސިވެފައިވާ މީހުންނަކީ އެއަތޮޅު ބޮޑުފުޅަދޫން ކޮވިޑަށް އަށް ފައްސިވި މީހާއާ ޑައިރެކްޓް ކޮންޓެކްޓް ވީ މީހުންނެވެ.
މިއަދު އެ ރަށުން ފައްސިވީ 64 މީހުންނާއެކު މިހާރު އެ ރަށުން ފައްސިވީ މީހުންގެ ޖުމުލަ އަދަދު 83އަށް ވަނީ އަރައިފައެވެ. މަތިވެރިން ގިނަ އަދަދެއްގެ މީހުން ފައްސިވުމާ ގުޅިގެން އެ ރަށުގައި ނުރައްކާތެރިކަން ވަނީ ބޮޑުވެފައެވެ.
ރާއްޖޭގައި ކޮވިޑް-19 ޖެހޭ މީހުންގެ އަދަދަށް އަދިވެސް ކޮންޓްރޯލެއް ނުވެއެވެ. މި ގޮތުން އިއްޔެ އެކަނި ވެސް އިތުރު 164 މީހަކު ފައްސިވެފައި ވެއެވެ. އެއީ މާލެއިން 67 އަދި އަތޮޅުތެރެއިން 67 މީހެކެވެ.
މިއާއެކު ރާއްޖެއިން މިހާތަނަށް ކޮވިޑް-19 ޖެހުނު މީހުންގެ ޖުމްލަ އަދަދު 27،084 އަށް އެރީއެވެ. މީގެ ތެރެއިން މި ވަގުތު ފަރުވާދެނީ 2،939 މީހަކަށެވެ. އަދި މިވަގުތު ފަރުވާދެމުންދާ މީހުންގެ ތެރެއިން 90 މީހަކަށް ފަރުވާ ދެނީ ހޮސްޕިޓަލުގައެވެ.
