ބަރުލަމާނީ ނިޒާމް ގެންނަން ފުރުސަތު ނުދެއްވާނެ ކަމަށް ރައީސް ވިދާޅުވި: ރީކޯ މޫސަ
ރާއްޖެއަށް ބަރުލަމާނީ ނިޒާމު ގެންނަން ފުރުސަތު ނުދެއްވާނެ ކަމަށް ރައީސް އިބްރާހިމް މުޙައްމަދު ޞާލިޙު، ރައްޔިތުންގެ މަޖިލީހުގެ ކުރީގެ ނައިބު ރައީސް މޫސާ މަނިކު (ރީކޯ މޫސަ)ގެ ގާތުގައި ވިދާޅުވި ކަމަށް އެމަނިކުފާނު ވިދާޅުވެއްޖެއެވެ.
އޮންލައިން ނޫހަކަށް މިއަދު ދެއްވި ބަސްދީގަތުމެއްގައި މޫސަ މިއަދު ވިދާޅުވީ ރައީސް ޞާލިޙް ހުންނެވީ ރައްޔިތުން ނިންމާފައިވާ ގޮތުގެ މަތީން ދައުލަތް ހިންގެވުމަށް ކަމަށާއި އެ ނިންމުމަށް ފުރިހަމައަށް އިހުތިރާމު ކުރައްވާ ކަމަށެވެ. މިއީ ނިޒާމުގެ ކަންތަކާ އުޅެން ޖެހޭ ވަގުތެއް ނޫން ކަމަށް ރައީސް ވިދާޅުވި ކަމަށް މޫސަ ވިދާޅުވެފައިވެއެވެ.
"ރައީސް އަޅުގަނޑު ކައިރީ އިހަކަށް ދުވަހު ވިދާޅުވީ މޫސާއޭ ރައްޔިތުން އެ އޮތީ ގޮތެއް ނިންމާފަ ނޫންހޭ. އެހެންވީމަ އެ ވާހަކަ ދެން ދައްކަނީ ކީއްކުރަންހޭ. ތިމަންނާ ބޭނުންވާ ގޮތް އެ އޮތީ ރައީސް ނަޝީދަށް ވެސް ދަންނަވާފައޭ. ރައީސް ޞާލިހު ރައީސް ނަޝީދަށް ފޮނުއްވި މެސެޖުގެ މާނައަކީ ތިއީ ތިމަން މަނިކުފާނާ ރައީސް ނަޝީދާ ނިންމަން ޖެހޭ ކަމެއް ނޫނޭ." މޫސަ ވިދާޅުވެފައިވެއެވެ.
މީގެ އިތުރުން މޫސާ މަނިކު ވިދާޅުވީ، ރާއްޖޭގެ ވެރިކަން ބަރުލަމާނީ ނިޒާމަކަށް ފުރޮޅައިލައްވަން ބޭނުންފުޅުވި ނަމަ އެކަން ކުރެއްވުމުގެ މަސައްކަތް މާ ކުރިން ވެސް ރައީސް ފެއްޓެވީސް ކަމަށް ވެސް ރައީސް ޞާލިޙް ވިދާޅުވި ކަމަށެވެ.
ތީ މިހާރު ބަރުލަމާނީ އަކަށް ރައްޔިތުން ތާއީދު ނުކުރިކަން އެނގުމުން އިބޫ އަށް ތާއީދު އިތުރުކުރުމަށް ޖައްސާ ސްތަންޓް. އަނެއްކާ އެމްޑީޕީ އިން މީގެކުރިންވެސް ބަރުލަމާނީ ގެންނަން ކުރިމަސައްކަތް ނޭނގޭ ތަސައްރުފު ފުދިފައިވާ ދިވެއްސަކު ނުހުންނާނެ. 5 އަހަރުން ބާކީއޮތްދުވަހެއް ތި ވެރިކަމަށް އޮތީ.