މާލެ ޖަލުން 13 ގައިދީއަކު ކޮވިޑަށް ފައްސިވެއްޖެ

މާލެ ޖަލުން 13 ގައިދީއަކު ކޮވިޑް-19އަށް ފައްސި ވެއްޖެއެވެ.

Ads by Sosun Fihaara

ކަރެކްޝަނުން ވިދާޅުވީ، މި 13 ގައިދީން ފައްސިވެފައި ވަނީ، ޖަލުން ނެގި ރެންޑަމް ސާމްޕަލް ތަކަކުން ކަމަށެވެ. އަދި މިކަމާ ގުޅިގެން ޖަލުގެ އެނެކްސް އެކެއް ލޮކްޑައުން ކޮށްފައިވާ ކަމަށް ކަރެކްޝަނުން ބުނެއެވެ. މީގެ އިތުރުން ކޮވިޑް 19ގެ އުސޫލުތަކުގެ މަތިން، ކަނޑައެޅިފައިވާ ފިޔަވަޅުތައް އަޅަމުން އަންނަ ކަމަށް ކަރެކްޝަނުން ބުނެފައި ވެއެވެ.

މިދިޔަ ހަފްތާގައި އައްސޭރި ޖަލުންނާއި މާފުށި ޖަލުން އޮފިސަރުންތަކެއް ވަނީ ކޮވިޑަށް ފައްސިވެފައެވެ. އެ ކޭސްތަކާ ގުޅިގެން އެ ޖަލުތަކުގައި ކަރެކްޝަނުން ވަނީ ރެންޑަމް ސާމްޕަލް ނެގުމުގެ މަސައްކަތް ކޮށްފައެވެ.