ރައީސް ޔާމީންގެ ސިކުނޑީގެ އެހީތެރިކަމަށް އެދެން ޖެހޭ : ޝުޖާއު

ޤައުމަށް ދިމާވެފައިވާ އިޤްތިޞާދީ ކާރިސާއިން ސަލާމަތް ވުމަށް ރައީސް ޔާމީންގެ ސިކުނޑީގެ އެހީތެރިކަމަށް އެދެން ޖެހޭކަމަށް ޕީޕަލްސް ނޭޝަނަލް ކޮންގްރެސްގެ ނައިބު ރައީސް އިބްރާހިމް ޝުޖާއު ވިދާޅުވެއްޖެއެވެ.

Ads by Sosun Fihaara

ޝުޖާއު މިހެން ވިދާޅުވެފައި މި ވަނީ މާފުށީ ޖަލުގައި ހުންނެވި ކުރީގެ ރައީސް ޔާމީން ގެޔަށް ބަދަލުކޮށްފައިވާ ދަނޑިވަޅެއްގައެވެ.

ޝުޖާއު ވިދާޅުވެފައި ވަނީ ގައުމަށް ދިމާވެފައި މިވާ އިގްތިސާދީ ކާރިސާއިން ސަލާމަތް ވުމަށް އެދެންޖެހޭނީ ރައީސް ޔާމީންގެ ސިކުނޑީގެ އެހީތެރިކަމަށް ކަމަށެވެ. މީގެ އިތުރުން ޝުޖާޢު ވަނީ މިސާލެއްގެ ގޮތުން ކުޑައިރު ފިލާވަޅުހަދަން ނޭގެންޏާ ބޭބެ ކައިރީ އަހައިގެން ފިލާވަޅު ހަދާށޭ މަންމަ ބުނާ ކަމަށް ބުނެފައެވެ.

“ކުޑައިރު މަންމަ ބުނޭ ދަރިފުޅާއޭ ނޭގެންޏާ ބޭބެ ކައިރީ އަހައިގެން ފިލާވަޅު ހަދާށޭ!” ޝިޖާއު ވިދާޅުވިއެވެ.

މި ޓްވީޓަށް އާންމުންގެ ގިނަ ބަޔަކު ހިޔާލު ފާޅުކޮށްފައިވެއެވެ.

މަނީ ލޯންޑަރިންގެ ކުށް ސާބިތުވާ ކަމަށް ކަނޑައަޅައި ފަސް އަހަރަށް ޖަލަށް ލައިފައިވާ ކުރީގެ ރައީސް އަބްދުﷲ ޔާމީން ގެއަށް ބަަދަލުކޮށްފައި ވަނީ ރޭ އިރާކޮޅުގެ ވަގުތެއްގައެވެ. ނަމަވެސް ރައީސް ޔާމީން ގެޔަށް ބަދަލުކޮށްފައި ވަނީ ކޮން ޝަރުތުތަކަކާއެކު ކިތައް ދުވަހަށް ކަމަށް ކަރެކްޝަންސްއިން ހާމަކޮށްފައެއް ނުވެއެވެ.

އެކަމާ ގުޅިގެން ކަރެޝަންސް އިން ކުރި ޓްވީޓެއްގައި ވިދާޅުވީ، ރައީސް ޔާމީން ގެޔަށް ބަދަލުކޮށްފައި ވަނީ ޖަލުގައި ކޮވިޑް-19 ފެތުރެމުން ދާތީ ކަމަށެވެ.