ޕާކުތަކާއި މައިދާންތަކާއި ދުވާ ޓްރެކް އަދި ފަތާ ޓްރެކް ވެސް ބަންދު ކުރަނީ
ކޮވިޑް-19ގެ ކޭސްތައް ރާއްޖޭގައި ރިކޯޑް އަދަދަކަށް އިތުރުވެފައިވާ މި ދަނޑިވަޅުގައި، ފިޔަވަޅުތައް ހަރުކަށިކޮށް މާލޭ ސަރަހައްދުގެ ޕާކުތަކާއި މައިދާންތަކާއި ދުވާ ޓްރެކްތަކާއި ސްވިމިންގ ޓްރެކްތައް ބަންދު ކުރަން ނިންމައިފިއެވެ.
މިގޮތަށް ނިންމާފައި ވަނީ ފިޔަވަޅުތައް ހަރުދަނާ ކުރުމަށް މިއަދު ރައީސުލްޖުމްހޫރިއްޔާ އާއި ޓެގް ޓީމުން ބޭއްވި ބައްދަލުވުމުގައެވެ.
މި ބައްދަލުވުމުގައި ނިންމަވާފައިވާ ކަންތައްތައް ބަޔާންކޮށް ރައީސް އޮފީހުން ނެރެފައިވާ ލިޔުމެއްގައި ވިދާޅުވެފައި ވަނީ މެއި 5 ވަނަ ދުވަހުން ފެށިގެން މެއި 15އާ ހަމަައަށް ޕާކުތަކާއި މައިދާންތަކާއި ކުޅިވަރު ކުޅޭ ތަންތަނާއި ދުވާ ޓްރެކްތަކާއި ފަތާ ޓްރެކްތައް ބަންދު ކުރަން ނިންމާފައިވާ ކަމަށެވެ. އަދި މިއީ އެޗްއީއޯސީ އާއި މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނީޓީ އެމްޕަވަރމަންޓް އަދި ލޯކަލް ގަވަރމަންޓް އޮތޯރިޓީ ގުޅިގެން ކުރަން ނިންމި ކަމެއް ކަމުގައި އެ ނިންމުމުގައި ވިދާޅުވެފައިވެއެވެ.
މީގެ އިތުރުން، ކުޅިވަރު ކުޅުމާއި ކުޅިވަރު މުބާރާތްތައް ހުއްޓާލުމަށް ނިންމާފައިވާ ކަމަށް ވެސް އެ ބަޔާނުގައި ވިދާޅުވެފައިވެއެވެ.
ކޮވިޑް-19ގެ ކޭސްތައް ރާއްޖޭގައި ރިކޯޑް އަދަދަކަށް ވަނީ އިތުުރުވެފައެވެ. އެގޮތުން އިއްޔެ ވެސް 500 އަށް ވުރެ ގިނަ މީހުން ކޮވިޑަށް ފައްސިވެފައިވެއެވެ
