ކުޅުދުއްފުށީ ފުލޫ ކްލިނިކަށް ދެއްކި މީހަކު ކޮވިޑް-19އަށް ފައްސިވެއްޖެ

ކުޅުދުއްފުށި ސިޓީގައި ފުލޫ ކްލިނިކަށް ދެއްކި މީހަކު އަނެއްކާ ވެސް ކޮވިޑް-19އަށް ފައްސިވެއްޖެއެވެ.

Ads by Hajj Corporation

މައުލޫމާތު ލިބޭ ގޮތުގައި މިއަދު ފުލޫ ކްލިނިކްގެ އޯޕީޑީއަށް ދެއްކި މީހަކު ކޮވިޑަށް ވަނީ ފައްސިވެފައެވެ.

އެ ރަށުން ފައްސި ވެވެފައިވަނީ 34 އަހަރުގެ އަންހެނެކެވެ. އެ މީހާއަކީ އަލާމާތް ފެނިގެން ފްލޫ ކުލިނިކަށް ދެއްކި މީހެކެވެ.

މީގެ ހަފްތާއެއް ކުރިން ވެސް އެރަށު ފްލޫ ކްލިނިކަށް ދެއްކި މީހަކު ކޮވިޑް-19އަށް ފައްސިވެގެން އެރަށަށް އަރައި ފޭބުން މަނާ ކުރިއެވެ. އަދި އެރަށުން ފައްސިވީ މީހާއާ ގުޅުން ހުރި މީހާއާ ގުޅުން ހުރި މީހުން ހޯދުމަށް ރެންޑަމް ސާމްޕަލިން ނެގިއެވެ. އަދި އެ ސާމްޕަލްތައް ކޮވިޑަށް ވަނީ ނައްސިވެފައެވެ.

އެފަހަރު މެއި ދެވަނަ ދުވަހު އެ ރަށަށް އަރާ ފޭބުން މަނާ ކުރި އިރު އެރަަށް އާންމު ހާލަތަށް ގެނައީ މީގެ ދެ ދުވަސް ކުރިންނެވެ.