ރެސްޓޯރެންޓްތައް ބަންދު ކުރަން އަންގައިފި، ޑެލިވަރީ އަދި ޓޭކްއަވޭ ޚިދުމަތް ދެވޭނެ
ކޮވިޑް-19ގެ ކޭސްތައް ރާއްޖޭގައި އިންތިހާއަށް ގިނަ ވުމާ ގުޅިގެން މާލޭ ސަރަހައްދުގެ ރެސްޓޯރެންޓްތައް ބަންދުކުރަން އަންގައިފިއެވެ.
ހެލްތު ޕްރޮޓެކްޝަން އޭޖެންސީ (ޢެޗްޕީއޭ)އިން ވަނީ ރާއްޖޭގައި ބަލި ފެތުރޭ މިންވަރު އިތުރުވުމާ ގުޅިގެން ފިޔަވަޅުތައް އިތުރަށް ހަރުކަށި ކޮށްފައެވެ. އެގޮތުން މާލޭ ސަރަަހައްދުގައި މާދަމާއިން ފެށިގެން ހަވީރު ހަތަރަކުން ފަތިހު ހަތަރަކަށް ނުކުމެ އުޅުން މަނާ ވާނެއެވެ.
މީގެ އިތުރުން ކާބޯތަކެތީގެ ޚިދުމަތްދޭ ކެފޭ، ރެސްޓޯރެންޓް އަދި ހޮޓާ ފަދަ ތަންތަނުގެ އެތެރޭގައި ކެއުން މަނާ ކޮށްފައިވާއިރު ޑެލިވަރީ އާއި ޓޭކްއަވޭގެ ޚިދުމަތް ދެވޭނެ ކަމަށް އެޗްޕީއޭ އިން ބުނެއެވެ.
އެޗްޕީއޭގެ އެންގުމުގައި ވާގޮތުން ޕޮލިސް ޕާރމިޓްއާއެކު މެންދަމު 12:00 ޖެހުމާ ހަމައަށް ޑެލިވަރީ ހިދުމަތް ދިނުމަށް ފުރުސަތު ދޭނެއެެވެ. އަދި މި ގައިޑްލަންއާ ހިލާފުވާ ވިޔަފާރިތައް 24 ގަޑިިއިރަށް ބަންދު ކުރަން އަންގާފައި ވެއެވެ.
ކޮވިޑް-19ގެ ކޭސްތައް ރާއްޖޭގައި ގިނަވުމާއެކު އަޅާފައިވާ ފިޔަވަޅުތަކާއެކު ކެފޭ ރެސްޓޯރެންޓުތައް މިހާރު ވެސް ހުޅުވާފައި ބެހެއްޓެނީ ހަވީރު 5:30 އިން ރޭގަނޑު 09:00އަށެވެ.
Ads by STO
