ކޮވިޑް ޖެހިގެން 30 އަހަރުގެ މީހަކު ނިޔާވެއްޖެ
ކޮވިޑް-19 ޖެހިގެން އިތުރު މީހަކު ނިޔާވެއްޖެއެވެ.
މިއާއެކު ކޮވިޑް-19 ޖެހިގެން ނިޔާވި މީހުންގެ އަދަދު މިވަނީ 96 އަށް އަރާފައެވެ.
ނިޔާވެފައިވަނީ ހުޅުމާލޭ މެޑިކަލް ފެސިލިޓީގައި ކޮވިޑަށް ފަރުވާ ހޯދަމުން ދިޔަ 30 އަހަރުގެ އަންހެނެކެވެ.
އޭނާ ނިޔާވެއްޖެ ކަމަށް ކަނޑައެޅީ 4:30 ގައި ކަމަށް އެޗްޕީއޭއިން ވިދާޅުވިއެވެ.
ފަހަކަށް އައިސް ކޮވިޑް ބަލީގައި ނިޔާވާ މީހުންގެ އަދަދު ވަނީ އިތުރުވެފައެވެ. އަދި ކޮވިޑަށް ފައްސިވާމީހުން ވެސް އެތައް ގުނައަކުން އިތުރެވެ.
މިގޮތުން އިއްޔެ މިބަލީގައި 2 މީހަކު ނިޔާވިއިރު، އޭގެ ކުރީ ދުވަހު 5 މީހަކުވަނީ ނިޔާވެފައެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި، ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިފަދަ ހިތްދަތި ވަގުތެއްގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
