ކޮވިޑް-19: މިއަދުގެ 3 ވަނަ މަރު، އަދަދު 108އަށް އަރައިފި!
ކޮވިޑް-19 އަށް ފައްސިވެފައިވާ އިތުރު މީހަކު މިއަދު ރާއްޖެއިން ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ، މިއަދު ހެނދުނު 7:25ގައި އައިޖީއެމްއެޗްގެ އެމަޖެންސީއަށް ގެނެވުނު އުމުރުން 73 އަހަރުގެ ދިވެހި ފިރިހެނެއް ނިޔާވެފައިވާ ކަމަށެވެ.
މިއީ ރާއްޖޭގައި ކޮވިޑް ބަލީގައި ނިޔާވި 108 މީހާއެވެ. އަދި މިއަދު ނިޔާވި 3 ވަނަ މީހާއެވެ. މި މަހު ކޮވިޑް ބަލީގައި ރާއްޖެއިން ނިޔާވި މީހުން ރިކޯޑު އަދަދަކަށް ގިނަކަން ފާހަގަ ކުރެވެއެވެ. އެގޮތުން މިހާތަނަށް މި މަހު 34 މީހުން މި މަހު ކޮވިޑް ބަލީގައި ރާއްޖެއިން ވަނީ ނިޔާވެފައެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މި ހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
