ބިރުވެރިކަން އިންތިހާއަށް ބޮޑުވެއްޖެ، ކޮވިޑް ބަލީގައި މިއަދުގެ 4 ވަނަ މަރު

ކޮވިޑަށް ފަރުވާ ހޯދަމުން ދިޔަ އިތުރު މީހަކު މިއަދު މަރުވެއްޖެއެވެ.

Ads by Sosun Fihaara

ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ، ހުޅުމާލޭ ކޮވިޑް ފެސިލިޓީގައި ފަރުވާ ހޯދަމުން ދިޔަ އުމުރުން 51 އަހަރުގެ އިންޑިއާ އަށް ނިސްބަތްވާ ފިރިހެނެއް މަރުވެފައިވާކަމަށެވެ.

އޭނާ މަރުވި ކަމަށް ކަނޑައަޅާފައި ވަނީ މިއަދު ހެނދުނު 08:44 ގައެވެ.

މިއީ މިއަދު ރާއްޖެއިން ކޮވިޑް ބަލީގައި މަރުވި 4 ވަނަ މީހާއެވެ. ރާއްޖެއިން މަރުވި މީހުންގެ ޖުމްލަ އަދަދު ވަނީ 109 އަކަށް އަރާފައެވެ.

ރާއްޖޭގައި ކޮވިޑް-19އަށް ފައްސިވާ މީހުންގެ އަދަދު ފާއިތުވެދިޔަ ހަފްތާގެ ތެރޭގައި އުޅެނީ ހާހުން މަތީގައެވެ. އަދި ބަލި ޖެހޭ މީހުންގެ ތެރޭގައި ކުޑަކުދިންނާއި މާބަނޑު އަންހެނުން ވެސް ހިމެނެއެވެ.