ކޮވިޑް-19 ޖެހިގެން ރާއްޖެއިން 113 ވަނަ މީހާ މަރުވެއްޖެ

ކޮވިޑް-19 ޖެހިގެން ފަރުވާދެމުން ދިޔަ އިތުރު މީހަކު ރާއްޖެއިން މަރުވެއްޖެއެވެ.

Ads by MWSC

ހެލްތް ޕްރޮޓެކްޝަން އޭޖެންސީ (އެޗްޕީއޭއިން) ބުނީ މަރުވެފައި ވަނީ ލާމު ކޮވިޑް ފެސިލިޓީގައި ފަރުވާ ދިޔަ އުމުރުން 36 އަހަރުގެ ނޭޕާލް އަންހެނެއް ކަމަށެވެ.

އޭނާ މަރުވެފައިވަނީ ރޭ 2:00 ޖެހި އިރު ކަމަށް އެޗްޕީއޭއިން މައުލޫމާތުދެއެވެ.

މިއީ ކޮވިޑް ބަލީގައި ރާއްޖެއިން މަރުވި 113 ވަނަ މީހާއެވެ.

ރާއްޖޭގައި ކޮވިޑް-19އަށް ފައްސިވާ މީހުންގެ އަދަދު ފާއިތުވެދިޔަ ހަފްތާގެ ތެރޭގައި އުޅެނީ ހާހުން މަތީގައެވެ. އަދި ބަލި ޖެހޭ މީހުންގެ ތެރޭގައި ކުޑަކުދިންނާއި މާބަނޑު އަންހެނުން ވެސް ހިމެނެއެވެ.