މަލައިކާއާ ކައިވެނި ކުރާކަށް ނުނިންމަން: އަރުޖުން
ބޮލީވުޑްގެ މަޝްހޫރު ތަރިން ކަމަށްވާ އަރުޖުން ކަޕޫރާއި މަލައިކާ އަރޯރާއަކީ ގިނަ ބައެއްގެ "ފޭވަރިޓް ކަޕްލް" އެއް ކަން ޔަގީނެވެ. އަދި އެމީހުން ކައިވެނި ކުރާނެ ދުވަހަކަށް އެތައް ބަޔަކު އަންނަނީ އިންތިޒާރު ވެސް ކުރަމުންނެވެ. އެހެން ނަމަވެސް އަރުޖުން ކަޕޫރު ބޭރުގެ މީޑިއާއަކަށް އިންޓަރވިއު ދެމުން ބުނީ އޭނާ އަދި މަލައިކާއާ ކައިވެނި ކުރަން ނުނިންމާ ކަމަށެވެ.
މަލައިކާ އަރުޖުންއަށް ވުރެ އުމުރުން ދޮށީ މީހަކަށް ވުމުން އެތައް ބައެއްގެ ސުވާލު އަރުޖުންއަށް ވަނީ އަމާޒުވެފައެވެ. އެހެންކަމުން އެންމެ ބޮޑު ސުވާލަކަށް ވީ މަލައިކާގެ ދަރިން ތިބެ އޭނާ އަރުޖުންއަށް ވުރެ ދޮށިވުމުގެ ސަބަބުން އޭނާއަށް އެއްވެސް މައްސަލައެއް ނެތްތޯއެވެ. އަދި ކައިވެނި ކުރަން ނިންމައިފައި ވަނީ ކިހާ ހިސާބެއްގައިތޯ ވެސް ވަނީ ގިނަ ބަޔަކު ސުވާލު ކޮށްފައެެވެ.
މި ސުވާލުތަކަށް ޖަވާބު ދެމުން އަރުޖުން ބުނީ އޭނާ ކަންތައް ކުރާނީ މަލައިކާއަށް ފަސޭހަ ގޮތަކަށް ކަމަށާއި، ކައިވެނި ކުރަން ވެސް ނިންމާނީ މަލައިކާ ކަމަށެވެ. ސަބަބަކީ އޭނާގެ ބޮލުގައި މިހާރުވެސް ބައިވަރު ޒިންމާތައް ހުރުމާ އެކު އޭނާއަށް ދަތިވާނެ އެއްވެސް ގޮތަކަށް ކަންތައް ވާން އޭނާ ބޭނުން ނުވާތީއެވެ. އަދި މި ކަމުގެ ސަބަބުން މަލައިކާގެ އެއްވެސް ދަރިއަކަށް އެއްވެސް ވަރެއްގެ ނޭދެވޭ އަސަރެއް ކުރަން އޭނާ ބޭނުން ނުވާ ކަމަށް ވެސް އަރުޖުން ބުންޏެވެ.
މީގެ އިިތުރުން ކައިވެނި ކުރަން އަދި ނިންމައިފައި ނުވި ނަމަވެސް ކައިވެނި ކުރަން ނިމުނުހާ އަވަހަށް މީޑިއާއަށް އެކަން އަންގާނެ ކަމަށް ވެސް އެ ދެމީހުން ވަނީ ބުނެފައެވެ.
ޚަބަރު ލިޔުނު ނޫސްވެރިޔާ އަދި އެއްފަހަރު އެޚަބަރު ކިޔާފަ އެދެމީހުންގެ ތެރެއިން ދޮށީ ކާކުތޯ ބުނެދީބަލަ.މަށަށް ނުބައިކޮށް ބުނެވުނީބާ؟