މަރުތައް ގިނަ ދުވަހެއް: މިއަދުގެ 9 ވަނަ މަރު
ކޮވިޑް-19 ޖެހިގެން 9 ވަނަ މީހަކު ރާއްޖެއިން ނިޔާވެއްޖެއެވެ.
ނިޔާވެފައި ވަނީ ހުޅުމާލެ ކޮވިޑް ފެސިލިޓީގައި ފަރުވާ ހޯދަމުން ދިޔަ އުމުރުން 41 އަހަރުގެ ދިވެހި އަންހެނެކެވެ. މިއީ ކޮވިޑް ބަލީގައި ރާއްޖެއިން ނިޔާވި 138 ވަނަ މީހާއެވެ.
ފަހަކަށް އައިސް ގިނަ ބަޔަކު ކޮވިޑަށް ފައްސިވަމުން އަންނައިރު، ގިނަ ބަޔަކު މި ބަލީގައި ނިޔާވަމުން އެބަދެއެވެ. އެގޮތުން މި ހިނގާ މޭ މަހު އެކަނި ވެސް މިހާތަނަށް 60އަށް ވުރެ ގިނަ މީހުން ކޮވިޑް ބަލީގައި ވަނީ ނިޔާވެފައެވެ. އަދި މިއަދަކީ 24 ގަޑިއިރު ތެރޭ އެންމެ ގިނަ މީހުން ނިޔާވި ދުވަހެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
