ހިޔާ ފްލެޓްގެ އަގަކީ މަހަކު 8500 ރުފިޔާ : އެޗްޑީސީ
ހުޅުމާލޭ ދެވަނަ ފިޔަވަހީގައި އަޅާފައިވާ ހިޔާ ފްލެޓްގެ އަގަކީ 8500 ރުފިޔާކަމަށް އެޗްޑީސީން ބުނެފިއެވެ.
އެޗްޑީސީން ނެރުނު އިއުލާނެއްގައި ބުނެފައި ވަނީ، ފުލެޓުތަކަށް ފައިސާ ދައްކާ ޚަލާސްކުރުމަށް ހަމަޖެހިފައި ވަނީ 25 އަހަރުގެ މުއްދަތަށް ބަހައިލައިގެން، އިންސްޓޯލްމަންޓުގެ ގޮތުގައި މަހަކު 7,500ރ ދައްކާގޮތަށް ކަމަށެެވެ. އަދި ފުލެޓުގެ މެނޭޖްމެންޓު ފީގެ ގޮތުގައި ކޮންމެ މަހަކު 1,000ރ. ނަގާގޮތަށް ވެސް ހަމަޖެހިފައިވާ ކަމަށެވެ. ނަމަވެސް، ފުލެޓު އެއްބަސްވުމުގައި ސޮއިކުރާ ތާރީޚުން ފެށިގެން 3 މަސްދުވަހުގެ މުއްދަތަކީ އެއްވެސް ފައިސާއެއް ދައްކަން ނުޖެހޭ މުއްދަތެއްގެ ގޮތުގައި ސަރުކާރުން ވަނީ ކަނޑައަޅައިފައި ކަމަށް އެޗްޑީސީން ބުނެއެވެ.
މީގެ އިތުރުން މި ފުލެޓުތަކަށް ޑައުންޕޭމަންޓުގެ ގޮތުގައި އެއްވެސް ފައިސާއެއް ނެގުމަށް ހަމަޖެހިފައި ނުވާކަމަށާއި، ނަމަވެސް ޑައުންޕޭމަންޓުގެ ގޮތުގައި ފައިސާ ދައްކަން އެއްވެސް މީހަކު ބޭނުންވާ ނަމަ އެ މީހަކަށް އެ އިންތިޒާމު ހަމަޖައްސައިދެވޭނެ ކަމަށާއި، ޑައުންޕޭމަންޓުގެ ގޮތުގައި ދައްކާ ފައިސާ ފުލެޓުގެ ޖުމްލަ އަގުން އުނިކޮށް، މަހު ކުލި އަގާއި އެއްގޮތަށް ކުޑަކުރެވޭނެ ކަމަށް އެޗްޑީސީން ބުނެއެވެ. އަދި ފުލެޓަށް ފައިސާ ދައްކަން ކަނޑައެޅިފައިވާ މުއްދަތު ކުޑަކުރަން ބޭނުންވާ މީހުންނަށް އެ ފުރުސަތު ވެސް ދޭނެ ކަމަށް އެޗްޑީސީން ބުންޏެވެ.
ހައުސިން މިނިސްޓަރު މުހައްމަދު އަސްލަމް މީގެ ކުރިން ވިދާޅުވީ ފްލެޓަށް ޑައުންޕޭމަންޓް ނުދައްކާ، 25 އަހަރަށް ކުލި ބަހާލާނެ ފުރުސަތު ވެސް ލިބޭނެ ކަމަށާއި އެ އޮޕްޝަންގެ ދަށުން މަހަކަށް ޖެހޭނީ 7500 ރުފިޔާ ކަމަށެވެ. އަސްލަމް އޭރު ވިދާޅުވީ 7500 ރުފިޔާއަކީ ހިޔާ ފްލެޓަށް ދައްކަން ޖެހޭ އެންމެ ބޮޑު ކުލި ކަމަށެވެ. އަދި ހިޔާ ފްލެޓުގެ އަސްލު އަގާ އަޅާ ބަލާއިރު، މިއީ ކުޑަ އަގެއް ކަމަށް ވެސް ވިދާޅުވިއެވެ.
ތަން ރަނގަޅަށް ނުނިންމާ ދީިފަވެސް އެބަޖެހޭ އެހަާގިނަ ފައިސާން ދޭން. ކުރިން ދިިފަ ހުރި ފްލެޓްތައް ބޮޑުވެފައި ތަން އެއްކޮށް ނިންމާފަ ހަވާލުކުރުމާ ހަމަ އެއްތާކު މިޖެހެނީ. ތީ ދެން ބޮޑުވަރު. ތިންމަސް ދުވަހޯ އަހަރުމެން މީ މަހުޖަނުންނެއް ނޫނޭ އަދި ތަން ހަދާފަ 3 މަސް ދުވަސް ތެރޭ ލާރި ދޭން ފަށަން
ސްކޫލްއަށްދާ ދަރިން ގޮވައިގެން ފްލެޓަށް ވަންނަ އިރު ހިތަކަށް ނަރާ އެތާގަ ދިރި އުޅެޥޭނޭ. ކިޔަޥާލާނެ މޭޒު ގަޑެއްވެސް ތަނެއްނެތް