ރާދޭ ކަމުނުދިޔުމުން ސަލީމް ހާނަށް ގޯސް ވީ ލިޔުންތެރިޔާ
ސަލްމާންހާންގެ އެންމެ ފަހު ފިލްމް “ރާދޭ ޔުއަރ މޮސްޓް ވޯންޓެޑް ބާއި “އަށް ބެލުންތެރިންގެ ފަރާތުން ލިބުނީ ފިނި ތަރުހީބެކެވެ.
އެއްއަހަރުގެ ޑިލޭއަކަށް ފަހު ފިލްމް ރާދޭ އެޅުވީ މިދިޔަ ކުޑައީދަށް ފަހުއެވެ. ނަމަވެސް އެފިލްމަށް މާބޮޑު ތަރުހީބެއް ނުލިބުނެވެ.
ސަލްމާން ހާންގެ ބައްޕަ ސަލީމް ހާން ފިލްމް ރާދޭ އާބެހޭ ގޮތުން ބުނެފައި ވަނީ ރާދޭއަކީ އެހާ ރަނގަޅު ފިލްމެއް ނޫން ކަމަށާއި ދަބަންގް 3 އަދި ބަޖްރަންގީބައިޖާން އަކީ މުޅިން ތަފާތު ފިލްމްތަކެއް ކަމަށެވެ.
ސަލީމް އިތުރަށް ބުނީ އިންޑަސްޓްރީއަށް ބޭނުން ވަނީ މޮޅެތި ލިޔުންތެރިންކަމަށެވެ.
ކުޅަދާނަ ޑައިރެކްޓަރު ފްރަބޫދޭވާ ޑައިރެކްޓްކޮށްފައިވާ ފިލްމް ރާދޭއަށް ބޮލީވުޑް ބޮކްސް އޮފީހުގައި ލިބިފައި 1.7 ރޭޓްއެކެވެ. ފިލްމްގެ ހަރަކާތްތެރިވެފައި ވަނީ ދިޝާ ޕަޓާނީ، ރަންދީޕް ހޫދާ، ޖެކީ ޝްރަފް އަދި ގައުތަމް ގުލަޓީއެވެ.
ސަލްމާން ހާންގެ ކާމިޔާބު ފިލްމްތަކުގެ ތެރޭގައި ވޯންޓެޑް އަދި ދަބަންގް 1 2 3 ހިމެނެއެވެ.
