ލ.ފޮނަދޫން އިތުރު ހަ މީހަކު ފައްސިވެއްޖެ

މުޖުތަމަޢީ ފެތުރުން އޮތް ލ.ފޮނަދޫން ކޮވިޑަށް ފައްސި ހަ ވޭދަނައެއް އަނެއްކާ ވެސް ފެނިއްޖެއެވެ.

Ads by Sosun Fihaara

މައުލޫމާތު ލިބިފައިވާ ގޮތުގައި އަލަށް ފައްސިވީ އެ ރަށުގައި މަސައްކަތް ކުރާ ހަ ބިދޭސީންނެވެ. މި ބިދޭސީންނަކީ ފައްސިވީ ބިދޭސީންތަކަކާ އެއްތާވި ބައެއް ކަމަށް ވެސް މައުލޫމާތު ލިބިފައި ވެއެވެ.

ފޮނަދޫ ޞިއްޙީ މަރުކަޒުން މިއަދު އާންމުކުރި ތަފާސް ހިސާބުތައް ދައްކާ ގޮތުގައި އެ ރަށުން މިހައިތަނަށް 38 މީހަކު ވަނީ ކޮވިޑަށް ފައްސިވެފައެވެ. އޭގެ ތެރެއިން 26 މީހަކު ބަލިން ރަނގަޅުވެ ބަލިމީހުންގެ ގޮތުގައި ތިބީ 12 މީހުންނެވެ.

އެރަށުން މިހައިތަނަށް 582 ސުންކު ނަގައިފައިވެއެވެ. އޭގެ ތެރެއިން 534 ސުންކު ނައްސިއެވެ. ނަތީޖާ ނުލިބޭ 10 ސުންކު ވެއެވެ.