ހިޔާ ފުލެޓާ ގުޅިގެން އާއްމުންގެ ޖަމްއިއްޔާއިން 3 ކަމެއް ސަރުކާރަށް ހުށައަޅައިފި

ހިޔާ ފުލެޓާ ގުޅިގެން އާއްމުންގެ ޖަމްއިއްޔާއިން ސަރުކާރަށް ތިން ކަމެއް ހުށައަޅައިފިއެވެ.

Ads by Hajj Corporation

މައުލޫމާތު ލިބިފައިވާ ގޮތުގައި އާއްމުންގެ ޖަމްއިއްޔާ އިން ސަރުކާރަށް ހުށައެޅި ތިން ކަމަކީ، މަހު ކުއްޔާ ގުޅުން ހުރި ހުށައެޅުމަކާއި، މެއިންޓެނެސްފީއާ ގުޅުން ހުރި ހުށައެޅުމަކާއި، ފެންބިލާ ގުޅުން ހުރި ހުށައެޅުމެކެވެ.

މިގޮތުން، ފުރަތަމަ 8 މަސް ދުވަހު ޑައުން ޕޭމަންޓު ނުލައި ދައްކަން ޖެހޭ ފައިސާ 6،000 ރުފިޔާ އަދި އެއަށް ވުރެ ކުޑަ އަދަދަކަށް ދެ އޮޕްޝަން ދިނުމާއި، 8 މަސް ފަހުން މަހު ކުލި 5000ރުފިޔާ އަށް ވުރެ ކުޑަކުރުމުގެ އިތުރުން  ފުރަތަމަ 8 މަސް ދުވަހުގެ ކުލި 5000އަށް ހަދާ އޭގެ ފަހުން ފްލެޓުވެރިންގެ ޖަމްއިއްޔާއަކުން ނުވަތަ ކްލަބަކުން މެނޭޖު ކުރާާ ގޮތަށް ހެދުމާއި، ހިޔާ ފްލެޓުގައި ވަޅުފެން ނުހުންނާނެތީ، ފެންބިލުން ޑިސްކައުންޓު ދިނުމަށް އެ ޖަމްޢިއްޔާއިން ހުށަހަޅައިފައި ވެއެވެ.

އާއްމުންގެ ޖަމްއިއްޔާއިން މައުލޫމާތުދޭ ގޮތުގައި ހިޔާ ފުލެޓުގައި ލޮނު ފެން ނުހުންނާނެތީ، ޓޭންކު ފްލަޝް ކުރާނީ ވެސް ސަޕްލައި ފެނުންކަމަށް ވާތީ ފެންބިލް ބޮޑު ވާނެތީ އެކަމަށް ވިސްނަން ޖެހޭ ކަމަށް ވެސް ވިދާޅުވެފައި ވެއެވެ.

ހިޔާ ފުލެޓާ ބެހޭގޮތުން ސަރުކާރަށް ހުށައެޅި 3 ކަންތަށް ހުށައެޅީ ކޮވިޑުގެ ހާލަތާއި އަދި ގައުމުގެ އިގްތިސޯދީ ހާލަތަށް ވެސް ރިއާޔަތް ކޮށްފައި ކަމަށް އާއްމުންގެ ޖަމްއިއްޔާއިން މައުލޫމާތު ދެއެވެ.