އަލިފުށިން އިތުރު 10 މީހަކު ކޮވިޑަށް ފައްސިވެ ޖަމާއަތީ ފެތުރުމަކަށް!
ރ. އަލިފުށިން އިތުރު 10 މީހަކު ކޮވިޑަށް ފައްސިވެ ރަށް ކޮވިޑް ޖަމާއަތީ ފެތުރުމަކަށް ގޮސްފިއެވެ.
އަލިފުށި ސއްިހީ މަރުކަޒުގެ އޮފިޝަލެއް ކަމަށްވާ އިބްރާހިމް ޝަރީފް "ދެން" އަށް މައުލޫމާތު ދެއްވަމުން ވިދާޅުވީ މިއަދު ފައްސިވި 10 މީހުންނަކީ ވެސް އަލާމާތްތައް ފެނުމާ އެކު ރަށު ފުލޫ ކްލިނިކަށް ދެއްކުމުން ފައްސިވި 10 މީހުން ކަމަށެވެ. އަދި ފައްސިވި އެންމެންގެ ހާލު ވެސް ރަނގަޅު ކަމުގައި އޭނާ ފާހަގަ ކުރެއްވިއެވެ.
މިއަދު ފައްސިވި 10 މީހުންގެ ތެރޭގައި ހިމެނެނީ ހަތަރު ދިވެހިންނާއި ހަ ބިދޭސީންނެވެ. މިއާ އެކު އެރަށުގައި ޖުމުލަ 16 ބިދޭސީންނާއި 9 ދިވެހިން ވަނީ ކޮވިޑަށް ފައްސިވެފައެވެ. އަދި މިހާރު އެކްޓިވް ކޭސްގެ ގޮތުގައި 25 މީހަކު އަލިފުށީގައި އެބަ ތިއްބެވެ.
ރ. އަލިފުށިން އެންމެ ފުރަތަމަ ކޮވިޑްގެ ކޭހެއް ފެނުނު ހިސާބުން ރަށަށް އަރައިފޭބުން މަނާ ކުރެވި ރަށް ވަނީ މޮނިޓަރިންގެ ހާލަތަށް ލެވިފައެވެ. އަދި ޓާސްކް ފޯހާއި، ސިއްހީ މަރުކަޒުގެ އިތުރުން ރަށު ކައުންސިލުން ދަނީ ރަށުގައި ކޮވިޑްގެ ކޭސްތައް އިތުރުވިޔަ ނުދިނުމަށް ޓަކައި މަސައްކަތް ކުރަމުންނެވެ.
