ޓޮންސިލް ދުޅަވާ ނަމަ ގޭގައި ހޯދިދާނެ ފަސޭހަ ފަރުވާއެއް!
ޓޮންސިލް ދުޅަވުމަކީ ވަރަށް ވޭން ހުރި ކަމެކެވެ. އަރުން އެއްޗެއް ދިރުވައިލާން އުނދަގޫވުމާ އެކު އެއީ ގަދައަށް ހުންއައުމަށް ވެސް މެދުވެރިވާ ކަމެކެވެ. އަދި ކިތަންމެ ބަނޑުހައިވީ ނަމަވެސް ކެއުން މަތިން ފޫހިކޮށްލާ ކަމެކެވެ.
ޓޮންސިލް ދުޅަވާ ކޮންމެ ފަހަރަކު ޑޮކްޓަރަށް ދައްކަން ދިއުމަކީ ވެސް ފަސޭހަ ކަމެއް ނޫނެވެ. އަދި އެއީ އެކަމުގެ ހައްލެއް ވެސް ނޫނެވެ. އެހެންކަމުން ޓޮންސިލް ދުޅަވާ ކޮންމެ ފަހަރަކު، އެކަމަށް ގޭގައި ދެވޭނެ ފަރުވާއެއް ހޯދައިފައި ހުރުމަކީ ލިބޭނެ ވަރަށް ބޮޑު ފަސޭހައެކެވެ. އެގޮތުން ޓޮންސިލް ދުޅަވުމުން ގޭގައި ކުރެވިދާނެ ބައެއް ފަރުވާތަކަށް ބަލައިލާނަމެވެ.
މާމުޔާއި ލޮނުމެދު
ދެތިން ލޮނުމެދުގެ ތޮށި ނޮޅައިލުމަށް ފަހު ރަނގަޅަށް ދޮވެ ޗަސްކޮށްލާށެވެ. އަދި އެ ޗަސްކުރި ލޮނުމެދުގެ ތެރެއަށް ދެ ސައި ސަމުސާ މާމުއި އެއްކުރާށެވެ. އެއަށް ފަހު އެ ޕޭސްޓުގަނޑު ފެންތަށްޓަކަށް އަޅައި ރަނގަޅަށް ގިރައިލައިގެން ބޯލާށެވެ.
ޒަމާނުއްސުރެ ރޯގާއާއި ކަރުގެ ރިހުމަށް ފަރުވާ ކުރުމަށް ބޭނުން ކުރަމުން އަންނަ މި ދެ ބާވަތް ހަފުތާއެއް ވަންދެން ބޭނުން ކުރާށެވެ. ނަތީޖާ ފެންނާނެއެވެ.
މާމުޔާއި ރީނދޫ
ސައި ސަމުސަލުގެ ހަތަރު ސަމުސާ މާމުއި، ހަތަރު ސައި ސަމުސަލުގެ ރީނދުލާ އެއްކޮށްލައި ބޯލާށެވެ. އެއް ހަފުތާ ވަންދެން ކޮންމެ ދުވަހަކު ވެސް މާމުޔާއި ރީނދޫ އެއްކޮށްލައިގެން ބޯށެވެ.
ކުޑަ އިނގުރުކޮޅެއް ޗަސްކޮށްލުމަށް ފަހު ތާފެނާ ފެންތަށްޓަކަށް އަޅައިލާށެވެ. އަދި އިރުކޮޅެއް ވަންދެން ބަހައްޓާށެވެ. އިރުކޮޅެއް ވުމުން އެއަށް މާމުއިކޮޅެއް ވެސް އަޅައި އެއްކޮށްލާށެވެ. އަދި އެއަށް ފަހު އެއް ސައި ސަމުސަލުގެ ލުނބޯ ހުތް އެ ފެންތަށްޓަށް އަޅައި ރަނގަޅަށް ގިރައިލާށެވެ. ކޮންމެ ދުވަހަކު ވެސް ދެ ތިން ފަހަރު މިގޮތަށް ފެންތަށްޓެއް ތައްޔާރު ކޮށްލުމަށް ފަހު ބޯލާށެވެ.
މައުލޫމާތު: ރައިޓު ހޯމް ރެމެޑީސް
