ޗައިނާ ވެކްސިން އިތުރަށް ގެނައުމުގެ ވިސްނުމެއް ނެތް-ހެލްތު މިނިސްޓަރ
ޗައިނާއިން އުފައްދައިފައިވާ ސިނޮފާމް ވެކްސިންގެ އިތުރު ޑޯޒެއް ގެނައުމުގެ ވިސްނުމެއް ސަރުކާރުން ނުގެންގުޅޭ ކަމަށް ހެލްތު މިނިސްޓަރ އަހުމަދު ނަސީމް އިންޑިޔާގެ ނޫހަކަށް މައުލޫމާތު ދެއްވަމުން ވިދާޅުވެއްޖެއެވެ.
މިނިސްޓަރ ނަސީމް ވިދާޅުވީ ޗައިނާއިން އުފައްދާ ސިނޮފާމް ވެކްސިންގެ 200،000 ޑޯޒު އެ ގައުމުން ރާއްޖެއަށް ހަދިޔާކުރި ކަމަށާއި، އެހެންކަމުން ޗައިނާއިން އިތުރަށް ވެކްސިން ހޯދުމަށް މަސައްކަތް ނުކުރައްވާ ކަމަށެވެ.
ސިރަމް އިންސްޓިޓިއުޓް އޮފް އިންޑިއާއިން އުފައްދާ ކޮވިޝީލްޑް ވެކްސިން ލިބުން ހުއްޓި، ވެކްސިން ޖެހުން ލަސްވަމުންދާ ކަމަށް ވިދާޅުވެ މިނިސްޓަރވަނީ ރާއްޖޭގައި ވެކްސިން ދެވުނު ގޮތުގެ ތަފްސީލުތައް އިންޑިޔާގެ މީޑިޔާއާ ހިއްސާ ކުރައްވައިފައެވެ.
އެގޮތުން ރާއްޖޭގައި މިހާތަނަށް 228،653 މީހުންނަށް ކޮވިޝީލްޑުގެ ފުރަތަމަ ޑޯޒު ދީފައިވާ ކަމަށާއި އޭގެ ތެރެއިން ދެވަނަ ޑޯޒު ދީފައި ވަނީ 117،342 މީހުންނަށް ކަމަށް މިނިސްޓަރު ނަސީމް ވިދާޅުވިއެވެ.
ބާކީ ތިބި މީހުންނަށް ދެވަނަ ޑޯޒު ނުޖެހިފައި ތިބި ކަމަށާއި ކޮވިޝީލްޑުގެ ބަދަލުގައި ބޭނުންކުރެވޭ އެސްޓްރަޒެނެކާ ވެކްސިން އޯޑަރުކޮށްފައިވާ ކަމަށް މިނިސްޓަރު ވިދާޅުވިއެވެ.
އެހެން ނަމަވެސް ދެވަނަ ޑޯޒަށް މަޑުކޮށްގެން ތިބި ފަރާތްތަކުގެ ތެރެއިން ދެ ޑޯޒުގެ ދެމެދުގައި މަޑުކުރަން ޖެހޭ 12 ހަފުތާގެ މުއްދަތު ހަމަވާން ގާތްވެފައިވާ 60،000 އެއްހާ މީހުން އެބަތިބި ކަމަށް ވެސް މިނިސްޓަރު ފާހަގަކުރެއްވިއެވެ. ކުރިން އެ މުއްދަތުގެ ގޮތުގައި ކަނޑައަޅައިފައި ވަނީ ހަ ހަފުތާ ނަމަވެސް ފަހުން 12 ހަފުތާއަށް ވަނީ އިތުރުކޮށްފައެވެ.
ރާއްޖޭގައި އެންމެ ފުރަތަމަ ދޭން ފެށި ކޮވިޑް19ގެ ވެކްސިނަކީ އިންޑިއާގެ ކޮވިޝީލްޑް ވެކްސިނެވެ. މިހާތަނަށް ވެކްސިން ޖަހައިފައިވާ ގިނަ މީހުންނަށް ދީފައި ވަނީ ވެސް އެ ވެކްސިނެވެ.
ރާއްޖޭގައި ކޮވިޑް19އަށް 3 ވެކްސިނެއް ދަނީ ޖަހަމުންނެވެ. އެއީ އިންޑިޔާގެ ކޮވިޝީލްޑް ވެކްސިނާއި، ޗައިނާގެ ސިނޮފާމް ވެކްސިނުގެ އިތުރުން ފައިޒާ ވެކްސިނެވެ.
ހާދަބަޔަކު މިކުޑަ ދުވަސްކޮޅުތެރޭ ނިޔާވެއްޖެ.. މެނޭޖުނުކުރެވިގެން.. އިސްތިއުފާދެއްވާ
ރަނގަޅު އެއްޗެއް ވިއާ ނުގެނެވޭތޯ ބަލާތި..