ސްރެޔާގެ ދަރިފުޅަށް ކިޔާ ނަން އިއުލާންކޮށްފި
މިދިޔަ މެއި މަހުގެ 22 ވަނަ ދުވަހު މަންމައަކަށް ވީ ބޮލީވުޑްގެ މަޝްހޫރު ލަވަކިޔުންތެރިޔާ ޝްރެޔާ ގޯޝަލްގެ ދަރިފުޅަށް ކީ ނަން އިއުލާން ކޮށްފިއެވެ.
ފިރިމީހާ ޝިލަދިތިޔާއާއި ދަރިފުޅާ އެކު ނަގައިފަައިވާ ފޮޓޯއަކާ އެކު ސްރެޔާ ޓްވިޓާގައި ކޮށްފައިވާ ޕޯސްޓެއްގައި ބުނެފައިވަނީ ދަރިފުޅު "ދޭވްޔާން މުކޮޕާޑިޔާ" ތައާރަފް ކޮށްދޭކަމަށެވެ.
"ދޭވްޔާން މުކޮޕާޑިޔާ" ތައާރަފް ކޮށްދެން. އޭނަ ދުނިޔެއަށް އައީ 22 މެއިގަ. އަދި އަހަރުމެންގެ ދިރިއުޅުން މުޅި އުމުރަށް ބަދަލުކޮށްލި. އޭނާ އުފަންވި ވަގުތު އަހަރެމެންގެ ހިތްތައް ލޯތްބާއި ކުލުނުން ފުރާލި. އެއިހުސާސަކީ ހަމައެކަނި މަންމައާއި ބައްޕައަށް ކުރެވޭނެ އިހުސާސެއް." ޝްރެޔާގެ ޓްވީޓްގައި ބުނެފައިވެއެވެ
ބަނޑުބޮޑު އިރު ނަގައިފައިވާ ފޮޓޯތަކެއް އިންސްޓަގުރާމުގައި ހިއްސާކޮށް ޝްރެޔާ ވަނީ އެތައް ބައެއްގެ ލޯބި ހޯދައިފައެވެ.
ދަރިފުޅު އުފަންވި ދުވަހު އެކަން އިއުލާންކޮށް އޭނާ ވަނީ އިންސްޓަގްރާމްގައި ޕޯސްޓެއްކޮށްފައެވެ. އަދި އެ ޕޯސްޓްގައި ފިރިހެން ދަރިއަކު ލިބުނު ކަމަށާއި އެކަމަށް ޓަކައި ފިރިމީހާއާއި އާއިލާ ވެސް ތިބީ ވަރަށް އުފަލުން ކަމަށްވެސް ޝްރެޔާ ބުނެފައި ވެއެވެ. އަދި ހެޔޮ ދުއާ ކޮށްދިން ހުރިހާ ފޭނުންނަށް ޝުކުރު އަދާކޮށްފައިވެއެވެ
ޝްރެޔާ ކިޔައިދީފައިވާ މަޝްހޫރު ބައެއް ލަވަތަކުގެ ތެރޭގައި ''ތޭރީ މޭރީ''، ''ސްލޯ މޯޝަން''، ''ގޫމަރު'' ފަދަ ލަވަތައް ހިމެނެއެވެ.
Ads by STO
