މޮޑެލްއެއް ކުރު ހެދުމެއް ލައިގެން ފްލައިޓަކަށް އެރުމުން ލަދު ގަންނަވައިލައިފި
އޮސްޓްރޭލިއާގެ ނަން މަޝްހޫރު މޮޑަލްއެއް ކަމަށްވާ އިސަބެލް އެލިއަނޯ، ކުރު މައްޗެއް ލައިގެން ފްލައިޓަކަށް އެރުމުން އޭނާ ލަދު ގަންނަވައިލައިފިއެވެ.
ނައިން ނިއުސްއަށް މައުލޫމާތު ދެމުން އިސަބެލް ބުނީ، އޭނާ ފްލައިޓަށް އެރީ ކަޅު ކުލައިގެ ކްރޮޕް މައްޗަކާއި ނޫ ކުލައިގެ ޖީންސެއް ލައިގެން ކަމަށެވެ.
ނަމަވެސް އޭނާ ލައިގެން ހުރި މަތި ،ފްލައިޓަކުން ދަތުރުކުރާ މީހަކު ލައިގެން އުޅެންވާ ވަރުގެ މައްޗަކަށް ވުރެ ކުރުކަމަށް، އެ ފްލައިޓުގެ ކެބިން ކްރޫން ބުނި ކަމަށް އިސަބެލް ބުންޏެވެ.
"އެމީހުން އަހަރެން ކައިރީގައި އެހީ ޖަމްޕަރ ސޫޓެއް އެބައޮތްތޯ، ނެތް ވާހަކައާއި ބަދަލު ކުރާނެ ހެދުމެއް ވެސް އަތް ދަބަހުގައި ނެތް ކަމަށް ބުނުމުން އަހަރެން ކައިރީ އެމީހުން ބުނީ އޭގެން ކްރޫއެއްގެ ޖެކެޓެއް ލާން. އަހަރެން ވަރަށް ލަދުގަތް" އިސަބެލް ބުންޏެވެ.
ޚާއްސަކޮށް އިންސްޓްގްރާމުގައި ފާހަގަ ކޮށްލެވޭ މި މޮޑެލް ބުނީ މިއީ އޭނާއާ މިފަދަ ކަމެއް ކުރިމަތިވި ފުރަތަމަ ފަހަރު ކަމަށާއި މި ހާދިސާ ހިނގާފައި ވަނީ ގޯލްޑް ކޯސްޓުން މެލްބޯނަށް ދާން މި އަހަރުގެ ފެބްރުއަރީ މަހު ކުރި ދަތުރެއް މަތީގައި ކަމަށެވެ.
