އިޖްތިމާޢީ ކަންކަން ރަނގަޅުކުރުމަށް އެންމެންގެ އެއްބާރުލުން ބޭނުންވޭ: ނައިބު ރައީސް
ޤައުމުގެ އިޖްތިމާޢީ ކަންކަން ރަނގަޅުކުރުމަށް އެންމެން ވެސް އެއްބާރުލުންދީގެން މަސައްކަތް ކުރެއްވުމަކީ ރައީސުލްޖުމްހޫރިއްޔާގެ އެދިވަޑައިގެންނެވުމެއްކަމަށް ނާއިބު ރައީސް ފައިސަލް ނަސީމް ވިދާޅުވެއްޖެއެވެ.
ފައިސަލް ނަސީމް މިފަދައިން ވިދާޅުވެފައި ވަނީ ސަރުކާރުގެ ސޯޝަލް އެތިކްސް ކޮމިޓީއާ އެކު މިއަދު ބޭއްވި މަޝްވަރާ ބައްދަލުވުމުގައި ވާހަކަފުޅުދައްކަވަމުންނެވެ.
ނައިބު ރައީސްގެ ވާހަކަފުޅުގައި ސްކޫލް ތެރޭގައި ކުދިންނަށް ޚާއްޞަކޮށްގެން ހިންގޭނެ ޕްރޮގްރާމްތަކާއި ސްކޫލުން ބޭރުގައި ހިންގޭނެ ޕްރޮގްރާމްތަކަކީ ކޮބައިތޯ ބަލައި، ޤައުމުގެ އިޖްތިމާޢީ ފޭރާން ރަނގަޅުކުރުމަށް އެންމެން ގުޅިގެން ގިނަ މަސައްކަތްތަކެއް ކުރަންޖެހޭކަން އެއީ އެންމެން ވެސް ޤަބޫލުކުރާނެ ޙަޤީޤަތެއްކަމުގައި ވިދާޅުވިއެވެ.އަދި ސަރުކާރުގެ ހުރިހާ ދިމާލަކުން ވެސް ޤައުމުގެ އިޖްތިމާޢީ ކަންކަން ރަނގަޅުކުރުމަށް އެއްބާރުލުންދީ މަސައްކަތްކުރެއްވުމަކީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ޚާއްޞަ އެދިލެއްވުމެއްކަމުގައި ވެސް އެ މަނިކުފާނު ވިދާޅުވިއެވެ.
މިއަދު ބޭއްވެވި މި ބައްދަލުކުރެއްވުމުގައި ބައިވެރިން މައިގަނޑުގޮތެއްގައި މަޝްވަރާކުރައްވައިފައި ވަނީ ސްކޫލްތައް މެދުވެރިކޮށް، ކުދިންނަށާއި، ބެލެނިވެރިންނަށް އަމާޒުކޮށްގެން ރިވެތި އަދަބު އަޚްލާޤާއި، ހަމަތަކާއި އުޞޫލުތައް ކުދިން ގައިގައި އަށަގެންނެވުމަށް ކުރެވިދާނެ ކަންކަމާއި ހިންގިދާނެ ޙަރަކާތްތަކާ މެދުގައެވެ.
އާފައިސަލްް ސަރުކާއަވަަ ހަށްް ހުލުވާާ ލަަ ބަލާާ ޓުރާސްް ޕޯޓްް އަދިި ޓުރޭޑްް މަސަތްކަށްް ކުރުވަަ ބަލަަ