"މަނިކޭ މަގޭ ހިތޭ" ކިޔައި ދެނީ ކޮންވާހަކަ ތަކެއް!
ސިންހަޅަ ލަވަ "މަނިކޭ މަގޭ ހިތޭ"އަކީ މިހާރު މުޅި ސޯޝަލް މީޑިޔާގައި ފަތު އަޑު ކިޔާފައި އެނބުރެމުންދާ ލަވައެކެވެ. ކިޔަން ނޭނގުނަސް ކިޔަން އެނގޭ ހަމައެކަނި ތަންކޮޅު ކިޔަކިޔާ ތިބި މީހުން މަދެއް ނޫނެވެ.
މިލަވައިގައި މިކިޔައިދޭ ވާހަކަތަކަކީ ކޮބައިތޯ ބަލާލާހިތްވީ މިސަބަބަށް ޓަކައެވެ. މަނިކޭ މަގޭ ހިތޭއޭ ބުނީމަ އެދައްކަނީ ހިތާ ގުޅިފައިވާ ކޮންމެވެސް ވާހަކައެއްކަން އެނގެއެވެ.
މަނިކޭ މަގޭ ހިތޭ ލަވައިގައި ދައްކަނީ މީހެއް ދެކެ ލޯބިވެވިގެން އޭނާއާ މެދު ހިތުގައި ވާ ޝުއޫރުތަކުގެ ވާހަކަ އެވެ. ހިތުގައި ލޯބި އުތުރި އަރައިގެން ހިތް އަނދަމުންދާ ވާހަކައެވެ. އެހިތުގައި ވަނީ ހަމައެކަނި އެންމެ މީހެއްކަމަށާއި އެއީ އެންމެ ލޯބިވާ މީހާކަމުގައި ބުނަމުންދާ ވާހަކައެވެ. އޭނާގެ ހަށިގަނޑުގެ ބައްޓަމުގެ ރީތިކަމުގެ ސަބަބުން އެ ޖިސްމަށް ބަލާ ހިތުން އެހެން ދިމާލަކަށް ނުބެލޭ ވާހަކަ މަނިކޭއަށް ކިޔައިދެނީ ނުހަނު ލޯބިންނެވެ.
ލަވައިގައި ހިތްގައިމު ރެޕެއް ހިމަނާފައިވާއިރު ރެޕް ބައިގައި ބުނެދެނީ ފޮރުވައިފައި އޮތް ހިތް ހޯދުމުން އެކަން ބޮޑުކަމަކަށް ނުހެދުމަށެވެ. އަދި ތިއީ މުޅި އަވަަށުގައި ވެސް ހުރި އެންމެ އަނގަ ގަދަމީހާކަމަށް ވެސް ރެޕަރ ބުނެއެވެ. އޭނާގެ ހިތަށް އަނިޔާ ނުދިނުމަށް ވެސް އެދިފައިވެއެވެ. އަދި ހަތަރު ކަޅި ހަމަވާ ވަގުތު އަމިއްލަ ނަފްސު ކޮންޓްރޯލް ނުކުރެވޭ ވާހަކައާއި އޭނާއަކީ ހަމައެކަނި ރެޕަރގެ މީހެއްކަމަށް ވެސް ރެޕަރ ބުނެއެވެ.
"މަނިކޭ މަގޭ ހިތޭ" ލަވައިގެ އޮރިޖިލަން ވީޑިޔޯއަށް ޔޫޓިއުބުގައި މިހާރު ވަނީ 12 މިލިއަން ވިއުސް ލިބިފައެވެ. މިލަވައަކީ ދިވެހިންގެ މެދުގައި ވެސް މިހާރު ވަރަށް ބޮޑު މަޝްހޫރު ކަމެއް ލިބިފައިވާ ލަވައެކެވެ.
ތިގޮތައް ޤުރުއާނުގެ އާޔަތްތައް މަަނަ ކޮށް އާޓިކަލް ތަކުގައި ލިޔެ އާންމުންގެ ސަމާލް ކަމަށް ގެނައުމައް މަސައްކަތް ކޮށްދެއްވާ.. މިހާރު އަހަރުމެންގެ މި ކުޑަ މުޖުތަމައަށް ވަރަށް މުހިންމު ކަމެއް ކަމަށް ފެނޭ..