ފިލްމް "އައިޝާ"އަށް ފަހު އެތައް މަލާމާތަކާ ފުރައްސާރައެއް ކުރިމަތިވި: ސޯނަމް
މީގެ 11 އަހަރު ކުރިން ރިލީޒް ކުރި ފިލްމް "އައިޝާ"އާ އެކު ގިނަބަޔަކު މަލާމާތާ ފުރައްސާރަ ކުރިކަމަށް ސޯނަމް ކަޕޫރު ބުނެފިއެވެ.
ކޮއްކޮ ރިއާ ކަޕޫރު ޕްރޮޑިއުސްކުރި ފިލްމް "އައިޝާ"އަށް ފަހު ސޯނަމްގެ ހެދުން އެޅުމާ ގުޅޭ ގޮތުން އެތައް ބަޔަކު މަލާމާތް ކޮށްފައިވާ ކަމަށާއި އެއީ އުނދަގޫ ދުވަސްތަކެއްކަމަށް އޭނާ ވަނީ ބުނެފައެވެ.
"އެތައް ބަޔަކު ހީ، މަލާމާތް ކޮށް ހެދި. އޭގެ ތެރެއިން އެއް ވާހަކަ މީ. އަހަރެން ދިޔަ ޕާޓީއަކުން ވެސް މިހާރުގެ ދެން މަޝްހޫރު ޑައިރެކްޓަރެއް އޭނާއަކީ. އަހަރެންގެ ހެދުމަށް ބަލާފަ އަހަންނާ ދިމާލަށް ބުނަނީ މި ހެދުން އަޅައިގެން ސޯނަމް ކަޕޫރު މި ދަނީ ކޮންތާކަށްހޭ؟" އިންޑިޔާގެ ނޫހަކަށް ދިން އިންޓަރވިއުއެއްގައި ސޯނަމް ބުނެފައިވެއެވެ.
ސޯނަމް ބުނިގޮތުގައި ފިލްމީ ދާއިރާއަށް ވަނުމުގެ ކުރިން ސަޕޯޓު ދިން މީހުން މި ދާއިރާއަށް އޭނާ ވަނުމުން އޭނާއާ ވަނީ ދުރުވެފައެވެ. މީގެ އިތުރުން ވެސް ފިލްމީ އިންޑަސްޓްރީއަށް ވުރެ އޭނާއަށް ސަޕޯޓް ދިނީ ވެސް ފެޝަން އިންޑަސްޓްރީންކަމަށް ބުނެފައި ވެއެވެ.
ރިއާއާއި ސޯނަމް ބުނި ގޮތުގައި ފިލްމު "އައިޝާ"އަށް ފަހު ދެ މީހުންނަށް ކުރިމަތިވި މަލާމާތާއި ފުރައްސާރައިން އަރައިގަތީ ދެމީހުން އެކުގައި އެކަކު އަނެކަކަށް އެހީތެރިވެދީގެންނެވެ.
ފިލްމު "އައިޝާ"ގައި ސޯނަމްގެ އިތުރުންއަބޭ ޑިއޯލް، އިރާ ދުބޭ، ސައިރަސް ސަހުކަރ، އަމްރިތާ ޕޫރީ، އާނަންދު ތިވާރީގެ އިތުރުން އަރުނޯޑޭ ސިންގްއާއި ލިސާ ހައިޑަން ހިމެނެއެެވެ. ފިލްމު ޑައިރެކްޓް ކޮށްފައި ވަނީ ރާޖްސްރީ އޮޖްހާއެވެ.
