އަދާލަތު ޕާޓީއަކީ ފިކުރެއް: ޝެއިޚް އިމްރާން
އަދާލަތު ޕާޓީ އަބަދުވެސް ދަނީ ކުރިޔަށް ކަމަށާއި އެ ޕާޓީއަކީ ފިކުރެއް ކަމަށް، އަދާލަތު ޕާޓީގެ ރައީސް، މި ސަރުކާރުގެ ހޯމް މިނިސްޓަރ ޝައިޚް އިމްރާން އަބްދުﷲ ވިދާޅުވެއްޖެއެވެ.
ޝެއިޚް އިމްރާން މިހެން ވިދާޅުވީ، އަދާލަތު ޕާޓީއަށް މެންބަރުން އިތުރު ކުރުމަށް މިހާރު ކުރިޔަށް ގެންދާ ހަރަކާތުގެ ތެރެއިން، ހދ.ވައިކަރަދުއަށް ވަޑައިގެން އެރަށުން އަދާލަތު ޕާޓީ މަރުޙަބާ ކިޔަން ނިކުމެ ތިބި މީހުންގެ ފޮޓޯ ހިއްސާ ކުރައްވަމުން ކުރެއްވި ޓްވީޓެއްގައެވެ.
އިމްރާން ވިދާޅުވީ، ވައިކަރަދޫއަށް ވަޑައިގަނެވުމާ އެކު ލިބިވަޑައިގަންނަވާ ޔަޤީންކަމަކީ އަދާލަތު ޕާޓީ ކުރިޔަށް ދާ ކަމަށެވެ. އަދި އެ ޕާޓީއަކީ ފިކުރެއް ކަމަށާއި، ވައިކަރަދޫ ރައްޔިތުން އެދޭ ފަދަ ޝަރަފުވެރި ފިކުރެއްކަމަށް ވެސް މިނިސްޓަރ ޢިމްރާންގެ ޓްވީޓްގައި ވިދާޅުވިއެވެ.
އަދާލަތު ޕާޓީއަކީ ސަރުކާރު ހިންގާ ކޯލިޝަންގެ ބައިވެރިއެކެވެ. ރައީސް ނަޝީދުގެ ވެރިކަން ވައްޓަވައި ލެއްވުމުގައި ވެސް އިސް ދައުރެއް އަދާ ކުރެއްވި ޝެއިޚް އިމްރާނަކީ މި ސަރުކާރުގެ އިސްބައިވެރިއެކެވެ.
އަދާލަތުންދަނީ މެންބަރުން އިތުރު ކުރުމަށް ހަރަކާތެއް ކުރިޔަށް ގެންދަމުންނެވެ. 18 އޯގަސްޓް 2005ގައި ވުޖޫދުވި މި ޕާޓީއަކީ ރާއްޖޭގައި ތިންވަނައަށް އުފެއްދި ސިޔާސީ ޕާޓީއެވެ.
ޢަދާލަތު ޕާޓީއަށް ކާމިޔާބާއި ކުރިއެރުން ﷲ މިންވަރު ކުރައްވައި އަދާލަތުގެ ލީޑާޝިޕަށް ޕާޓީ އާއި ޤައުމު ހިންގުމުގެ ހެޔުތައުފީޤު ﷲ މިންވަރު ކުރައްވާށި !