ވެކްސިނުގެ ދެ ޑޯޒް ފުރިހަމަކޮށްފަައިވަނިކޮށް ފަރާ ޚާން ކޮވިޑަށް ފައްސިވެއްޖެ
ބޮލީވުޑްގެ މަޝްހޫރު ފިލްމްމޭކަރ ފަރާހާން ކޮވިޑަށް ފަައްސިވެއްޖެއެވެ.
މިކަން އިއުލާނުކޮށް އޭނާގެ އިންސްޓަގްރާމް ސްޓޯރީގައި ބުނެފައި ވަނީ ކޮވިޑް ވެކްސިނުގެ ދެ ޑޯޒް ފުރިހަމަކޮށްފައި ވަނިކޮށް ކޮވިޑަށް ފައްސިވެފައިވާ ކަމަށެވެ.
ފަރާ ޚާން ބުނެފައިވާ ގޮތުގައި އޭނާއަށް ކޮވިޑް-19 ޖެހުނު ނަމަވެސް އޭނާ ގިނައިން މަސައްކަތް ކޮށްފައި ވަނީ ވެސް ކޮވިޑް ވެކްސިން ފުރިހަމަކޮށްފައިވާ މީހުންނާ އެކުގައިކަ މަށެވެ.
"އަހަންނަށް ހީވަނީ އަހަންނަށް ކޮވިޑް ޖެހުނީ އަހަރެން "ކާލާ ޓީކާ" ނުޖަހާތީހެން. ކޮވިޑް ވެކްސިނުގެ ދެ ޑޯޒް ފުރިހަމަކޮށް، ގިނައިން މަސައްކަތް ކުރެވުނީ ވެސް ކޮވިޑް ވެކްސިން ފުރިހަމަކޮށްފަައިވާ މީހުންނާ އެކު އެކަމަކު ވެސް އަހަރެން ކޮވިޑަށް ފައްސިވެއްޖެ" ފަރާ ހާން ބުނެފައިވެއެވެ.
އޭނާ ބުނެފައިވާ ގޮތުގައި އޭނާއާ ގާތުން އެއްތާވި މީހުންނަށް މިހާރު ކޮވިޑަށް ޓެސްޓް ކުރުމަށް އަންގައިފައިވާ ކަމަށާއި އެހެން ނަމަވެސް ހަނދާން ނެތިގެން މީހެއް ގާތު ނުބުނެވި އޮތް ނަމަވެސް އަވަހަށް ޓެސްޓް ހެދުމަކީ އޭނާގެ އެދުމެކެވެ.
ފަރާއަކީ ކާމިޔާބު އެތައް ފިލްމެއް ޑައިރެކްޓްކޮށްފައިވާ ކުޅަދާނަ ޑައިރެކްޓަރެކެވެ. އޭނާގެ ފާހަގަކޮށްލެވޭ ފިލްމްތަކުގެ ތެރޭގައި "އޯމް ޝާންތީ އޯމް"، "ކުޗް ކުޗް ހޯތާހޭ"، "މޭހޫނާ" "ތީސް މާރް ހާން" އަދި "ކަލް ހޯ ނަހޯ" ފަދަ އެތައް ފިލްމެއް ހިމެނެއެވެ.
އޭނާ މިހާރު މަސައްކަތް ކުރަނީ ޒީ ކޮމެޑީ ޝޯގެ ޖަޖެއްގެ ގޮތުގައެވެ. މީގެ ކުރިން އޭނާ ވަނީ ސުޕަ ޑާންސާ 4 ގައިވެސް ފެނިގެންގޮސްފައެވެ.
ކުޗް ކުޗް ހޯތާހޭ އަކީ އަހަރެން ޑައިރެކްޓް ކުރި ފިލްމެއް ކޮއްކޮމެންނޭ