ރަންބީރު ކަޕޫރުގެ ދައްތަގެ ހެދުންތައް އޭނާގެ ރައްޓެހިންނަށް ދެނީ ރަންބީރުގެ ސަބަބުން!
ބޮލީވުޑްގެ މަޝްހޫރު ތަރި ރިޝީ ކަޕޫރުގެ ދަރިފުޅު ރަންބީރު ކަޕޫރާއި އޭނާގެ ދައްތަ ރިދިމާ ކަޕޫރަކީ ސަޕޯޓަރުންގެ ބޮޑު އޯޑިއެންސެއް ލިބިފައިވާ ދެބެންނެވެ.
މިދެބެންނާ ބެހޭ ވާހަކަތަކަށް މީޑިޔާގެ ސަމާލުކަން ލިބޭއިރު ދައްތަ ރިދިމާ ކަޕޫރުގެ ހެދުން ފަދަ އެއްޗެހި ރަންބީރު ކަޕޫރުގެ ރައްޓެހިންނަށް ދޭ ކަމަށް ރިދިމާ މިވަނީ ބުނެފައެވެ.މިގޮތުން މަޝްހޫރު ކޮމޭޑިއަން ކަޕިލް ޝަރުމާގެ ހާއްސަ ކޮމެޑީ ޝޯ "ދަ ކަޕިލް ޝަރުމާ ޝޯ" އަށް ރިދިމާ ދިން އިންޓަވިއުއެއްގައި މި ވަނީ ރަންބީރު އޭނާގެ ހެދުން ފަދަ ތަކެތި ރަންބީރުގެ އަންހެން ރައްޓެހިންނަށް ރިދިމާގެ ހުއްދަނެތި ދޭ ވާހަކައާއި އެކަމުގެ ސަބަބުވެސް ކިޔައިދީފައެވެ.
"އަހަރެން ލަންޑަނުން ކިޔަވައިގެން އެނބުރި އިންޑިޔާއަށް އައިތާ ކުރީ ކޮޅު ގޭގަ އިންދާ އަހަންނަށް ފެނިއްޖެ އޭނާގެ އަންހެން ރައްޓެހިންތަކެއް ގެއަށް އައިސް އުޅެނިކޮށް. އަހަންނަށް ފާހަގަވީ އެތަނުން އެއް ކުއްޖެއް އަހަރެން ލީކަހަލަ ޓޮޕެއް ލައިގެން ހުރިކަން. އެދުވަހު އެނގުނީ ރަންބީރުގެ ޕޮކެޓު މަނީ ސަލާމަތް ކުރަން ރައްޓެހިންނަށް އަހަރެންގެ ހެދުމާއި އެއްޗެހި ދީފައި ހުރިކަން" ކަޕިލް ކުރި ސުވާލަށް ހެމުން ރިދިމާ ދިނީ މިޖަވާބެވެ.
ރަންބީރު ކަޕޫރާއި ރިދިމާ ކަޕޫރު ސަހާނީއަކީ ލެޖެންޑްރީ އެކްޓަރ ރިޝީ ކަޕޫރާއި ނީތޫ ކަޕޫރުގެ ދަރިންނެވެ.
